ଚେନ୍ନାଇ : ବାଣ କାରଖାନାରେ କାମ ଚାଲିଥିବା ବେଳେ ବିସ୍ଫୋରଣ । ତାମିଲନାଡୁ ବିରୁଧନଗର ଜିଲ୍ଲାରେ ବାଣ କାରଖାନାରେ ବିସ୍ଫୋରଣ । ଜଳିଯାଇ ୬ ଜଣ ଶ୍ରମିକଙ୍କ ଚାଲିଗଲା ଜୀବନ । ବିସ୍ଫୋରଣ ରାସାୟନିକ ମିଶ୍ରଣ ପ୍ରକ୍ରିୟା ଯୋଗୁଁ ବିସ୍ଫୋରଣ ଘଟିଥିବା କୁହାଯାଉଛି । ବିସ୍ଫୋରଣରେ ଅନେକ ଘର ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ଘଟଣାସ୍ଥଳରେ ଅଗ୍ନିଶମ ବାହିନୀ ଉଦ୍ଧାରକାରୀ ଟିମ୍ ପହଞ୍ଚି ଉଦ୍ଧାର କାର୍ୟ୍ୟ ଜାରି ରଖିଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ଘଟଣାର ତଦନ୍ତ ଜାରି ରଖିଛି । ଏହି କାରଖାନାରେ ୩୫ରୁ ଅଧିକ କୋଠରୀରେ ୮୦ରୁ ଅଧିକ ଶ୍ରମିକ କାମ କରୁଥିଲେ । ଆପାନାୟାକାନପାଟୀ ପଞ୍ଚାୟତର ବୋମ୍ଵାୟପୁରମ୍ ଗାଁରେ ଏହି ବାଣ କାରଖାନା ରହିଥିବା ବେଳେ ବାଲାଜି ନାମକ ଜଣେ ବ୍ୟକ୍ତିଙ୍କ ନାମରେ ରହିଛି । ମୃତକମାନେ ହେଲେ ଭେଲମୁରୁଗାନ୍, ନାଗରାଜ, କନ୍ନନ୍, କାମରାଜ, ଶିବକୁମାର ଏବଂ ମୀନାକ୍ଷୀ ସୁନ୍ଦରମ୍ ବୋଲି ଜଣାପଡ଼ିଛି । ଏହା ବ୍ୟତୀତ ଅନ୍ୟ ଜଣେ ବ୍ୟକ୍ତିଙ୍କୁ ଗୁରୁତର ଅବସ୍ଥାରେ ବିରୁଧୁନଗର ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଛି।
