ଜୟପୁର : ଘରେ ପସି ସ୍ୱାମୀଙ୍କୁ ବନ୍ଧୁକ ଦେଖାଇ ଧମକ ଦେଇ ପତ୍ନୀକୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଗତ ୨୪ତାରିଖ ଦିନ ଜୟପୁର ନିକଟସ୍ଥ ବ୍ରାହ୍ମଣୀ ଗ୍ରାମରେ ପୀଡିତାଙ୍କ ଘରେ ପସି ସ୍ୱାମୀଙ୍କୁ ବନ୍ଧୁକ ଦେଖାଇ ଧମକ ଦେଇ ପତ୍ନୀକୁ ଦୁଷ୍କର୍ମ କରିଥିବା ଅଭିଯୋଗ ସାମ୍ନାକୁ ଆସିଛି । ଅଭିଯୁକ୍ତ ହେଲେ ଲାଲ ବାହାଦୂର ଓ ମୀନ ବାରିକ ବୋଲି ପୀଡିତା ଅଭିଯୋଗ ଆଣିଛନ୍ତି । ଏହି ଦୁଇ ଜଣକ ନାମରେ ଅନେକ ଅପରାଧିକ ମାମଲା ଥିବା ଜଣାପଡିଛି । ଘଟଣାକୁ ସାମ୍ନାକୁ ନଆଣିବା ପାଇଁ ଦୁର୍ଦ୍ଦାନ୍ତ ଅପରାଧି ଲାଲ ବାହାଦୂର ଓ ମୀନ ବାରିକ ପୀଡିତାଙ୍କ ପରିବାରକୁ ଧମକ ଦେବା ସହ ଗ୍ରାମରେ ଖାଲିରେ ଫାଙ୍କାରେ ଗୁଳି ଚାଳନା କରି ଗ୍ରାମ ଲୋକମାନଙ୍କୁ ଭୟଭୀତ କରୁଥିବା ଜୟପୁର ମହିଳା ଥାନାରେ ଅଭିଯୋଗ ହୋଇଛି । ଏ ନେଇ ଗ୍ରାମବାସୀମାନେ ଅଭିଯୁକ୍ତଙ୍କୁ ଗିରଫ କରିବା ସହ ପୀଡିତାଙ୍କ ପରିବାରକୁ ସୁରକ୍ଷା ଦେବାପାଇଁ ଦାବୀ କରିଛନ୍ତି । ମାତ୍ର ଘଟଣାକୁ ୪ଦିନ ହୋଇଗଲେ ମଧ୍ୟ ପୋଲିସ ଅଭିଯୁକ୍ତଙ୍କୁ କାବୁ କରିପାରିନାହିଁ । ଯାହାକୁ ନେଇ ଗ୍ରାମବାସୀ ମାନଙ୍କ ମଧ୍ୟରେ ଉତ୍ତେଜନା ଦେଖାଦେଇଛି । ଏନେଇ ଗ୍ରାମବାସୀ ମାନେ ସୋମବାର ଦିନ ରାସ୍ତାରୋକ କରିଥିବାବେଳେ ଏହାକୁ ବିଜେପୀ ମଧ୍ୟ ସମର୍ଥନ କରିଛି । ଦୁର୍ଦ୍ଦାନ୍ତ ଅପରାଧି ଲାଲ ବାହାଦୂର ଓ ମୀନ ବାରିକକୁ ୪୮ଘଣ୍ଟା ମଧ୍ୟରେ ଗିରଫ କରିବା ପାଇଁ ମହଲତ ଦେଇଛନ୍ତି ଗ୍ରାମବାସୀ ।
