ଆଇସଲ୍ୟାଣ୍ଡର ରିକଜୋଭିକରେ ଅନୁଷ୍ଠିତ ରିକଜୋଭିକ୍ ଓପନ ଚେସ ଟୁର୍ଣ୍ଣାମେଣ୍ଟରେ ଭାରତର ଚର୍ଚ୍ଚିତ ଯୁବ ଗ୍ରାଣ୍ଡମାଷ୍ଟର ଆର ପ୍ରଜ୍ଞାନନ୍ଦା ଚାମ୍ପିଅନ୍ ଆଖ୍ୟା ଅର୍ଜନ କରିଛନ୍ତି । ୯ରାଉଣ୍ଡ ବିଶିଷ୍ଟ ଏହି ଟୁର୍ଣ୍ଣାମେଣ୍ଟରେ ପ୍ରଜ୍ଞାନନ୍ଦା ମୋଟ୍ ୭.୫ ପଏଣ୍ଟ ହାସଲ କରିଥିଲେ । ଚୂଡ଼ାନ୍ତ ରାଉଣ୍ଡରେ ସେ ଗ୍ରାଣ୍ଡ ମାଷ୍ଟର ଡି ଗୁକେଶଙ୍କୁ ପରାସ୍ତ କରିଥିଲେ ପ୍ରଜ୍ଞାନନ୍ଦାଙ୍କୁ ହରାଇବା ପ୍ରତିପକ୍ଷ ଖେଳାଳିଙ୍କ ପକ୍ଷରେ ଅସମ୍ଭବ ସାବ୍ୟସ୍ତ ହୋଇଥିଲା । ସେ ମୋଟ୍ ୬ଟି ମ୍ୟାଚ୍ ଜିତିଥିଲେ ଓ ବାକି ୩ଟି ମ୍ୟାଚ୍ ଡ୍ର’ ରଖିଥିଲେ ।
ସେ ପ୍ରଥମ ରାଉଣ୍ଡ୍ରେ ଆମେରିକାର ଆଲେକ୍ସ ଚେର୍ଣ୍ଣିଆକଙ୍କୁ ପରାସ୍ତ କରିଥିଲେ । ସେହିପରି ଦ୍ୱିତୀୟ ରାଉଣ୍ଡ୍ରେ ଇଟାଲୀର ମାରିନା ବ୍ରୁନେଲୋଙ୍କ ସହ ଡ୍ର’ ରଖିଥିଲେ । ତୃତୀୟ ରାଉଣ୍ଡ୍ରେ ଡିଟମର କୋଲବସଙ୍କୁ, ଚତୁର୍ଥ ରାଉଣ୍ଡ୍ରେ ପାଇରେ ଲାଉରେଣ୍ଟ- ପାଓଲିଙ୍କୁ ହରାଇଥିଲେ । ହେଡିନ ଷ୍ଟେଗ୍ରିମସନଙ୍କ ସହ ପଞ୍ଚମ ରାଉଣ୍ଡ୍ ଡ୍ର’ ରହିଥିଲା । ଷଷ୍ଠ ରାଉଣ୍ଡ୍ରେ ଅଭିମନ୍ୟୁ ମିଶ୍ରା(ଆମେରିକା)ଙ୍କୁ ପରାସ୍ତ କରିବା ପରେ ସପ୍ତମ ରାଉଣ୍ଡ୍ରେ ମାଡ୍ସ ଆଣ୍ଡରସନଙ୍କ ସହ ଡ୍ର’ ରଖିଥିଲେ । ଅଷ୍ଟମ ରାଉଣ୍ଡ୍ରେ ମାଥ୍ୟୁ କର୍ଣ୍ଣେଟିଙ୍କୁ ଓ ନବମ ରାଉଣ୍ଡରେ ଡି ଗୁକେଶଙ୍କୁ ହରାଇଥିଲେ ।
