ୱାସିଂଟନ : ଆମେରିକା ରାଷ୍ଟ୍ରପତି ଜୋ ବାଇଡେନ ୨୦୨୪ ରାଷ୍ଟ୍ରପତି ନିର୍ବାଚନ ଲଢ଼ିବା ପାଇଁ ଯୋଜନା କରୁଛନ୍ତି। ତେବେ ଏ ନେଇ ବର୍ତ୍ତମାନ ସୁ୍ଦ୍ଧା ଘୋଷଣା ପାଇଁ ସେ ପ୍ରସ୍ତୁତ ହୋଇନାହାନ୍ତି। ଏକ ସାକ୍ଷାତକାରରେ ବାଇଡେନ ଏହା କହିଛନ୍ତି। ଡେମୋକ୍ରାଟିକ ଦଳରୁ ପ୍ରାର୍ଥୀ ହେବା ପାଇଁ ସେ ଆଗ୍ରହୀ ଥିଲେ ମଧ୍ୟ ବର୍ତ୍ତମାନ ସୁଦ୍ଧା ସେ ଆନୁଷ୍ଠାନିକ ଘୋଷଣା କରିନାହାନ୍ତି। ଦଳ ପକ୍ଷରୁ ସେ ଏବଂ ଉପରାଷ୍ଟ୍ରପତି କମଳା ହାରିସ ଗତଥର ଭଳି ଏକାଠି ପାର୍ଥୀ ହୋଇପାରନ୍ତି। ଆମେରିକାର ରାଷ୍ଟ୍ରପତି ଜୋ ବାଇଡେନ ପୁଣିଥରେ ରାଷ୍ଟ୍ରପତିଙ୍କ ଦ୍ୱିତୀୟ କାର୍ୟ୍ୟକାଳ ପାଇଁ ପ୍ରତିଦ୍ୱନ୍ଦ୍ୱିତା କରିବାକୁ ସୂଚିତ କରିଛନ୍ତି। ବିଡେନ ସୋମବାର ଏନବିସି ସହ ଏକ ସାକ୍ଷାତକାରରେ କହିଛନ୍ତି ଯେ ମୁଁ ରାଷ୍ଟ୍ରପତି ପ୍ରାର୍ଥୀ ହେବାକୁ ଯୋଜନା କରିଛି, କିନ୍ତୁ ଆମେ ଏପର୍ୟ୍ୟନ୍ତ ଘୋଷଣା କରିବାକୁ ପ୍ରସ୍ତୁତ ନାହୁଁ। ବାଇଡେନ ପୂର୍ବରୁ କହିସାରିଛନ୍ତି ଯେ ସେ ଦ୍ୱିତୀୟ ଥର ପାଇଁ ଆସିବାକୁ ଚାହୁଁଛନ୍ତି, କିନ୍ତୁ ସେ ତାଙ୍କ ପରିବାର ସହିତ ପରାମର୍ଶ କରିବା ପରେ ହିଁ ଏହା ଘୋଷଣା କରିବେ ।
