ନୂଆଦିଲ୍ଲୀ : ଖୁବଶୀଘ୍ର ବନ୍ଦ ହେବ ରୁଷ-ୟୁକ୍ରେନ ଯୁଦ୍ଧ । ଯୁଦ୍ଧ ବନ୍ଦ କରିବାକୁ ରାଜି ରୁଷ । ୟୁକ୍ରେନ ସହିତ ସିଧା ଆଲୋଚନା ପାଇଁ ପ୍ରସ୍ତାବ ଦେଲେ ରୁଷ ରାଷ୍ଟ୍ରପତି ପୁଟିନ । ଆସନ୍ତା ୧୫ ତାରିଖରେ ଇସ୍ତାନବୁଲରେ ଉଭୟ ଦେଶ ବୈଠକ କରିପାରନ୍ତି । ଆଲୋଚନା ପାଇଁ ଆହ୍ବାନ କରି ପୁଟିନ କହିଛନ୍ତି, ଶାନ୍ତି ସ୍ଥାପନା କରିବା ଆଲୋଚନାର ମୁଖ୍ୟ ଉଦ୍ଦେଶ୍ୟ । ଏହା ସହ ଯୁଦ୍ଧର ମୂଳ କାରଣ ଶେଷ କରିବା । ୟୁରୋପୀୟ ନେତା ପୁଟିନ୍ଙ୍କୁ ଚେତାବନୀ ଦେବା ଦ୍ବାରା ଯୁଦ୍ଧ ବିରାମ ଭଳି ନିଷ୍ପତ୍ତି ନିଆଯାଇଛି । ଡୋନାଲ୍ଡ ଟ୍ରମ୍ପଙ୍କ ସମର୍ଥନରେ ୟୁରୋପୀୟ ଶକ୍ତି ଏକ ନିଃସର୍ତ୍ତ ୩୦ ଦିନିଆ ଅସ୍ତ୍ରବିରତି ଉପରେ ଜୋର ଦେଇଥିଲା ଏବଂ ପୁଟିନଙ୍କୁ ଚେତାବନୀ ଦେଇଥିଲା ଯେ ଯଦି ସେ କିଛି ଦିନ ମଧ୍ୟରେ ସ୍ବୀକାର ନକରନ୍ତି ତେବେ ତାଙ୍କ ଉପରେ ନୂଆ ପ୍ରତିବନ୍ଧକ ଲଗାଯିବ । ସେପଟେ ପୁଟିନଙ୍କ ଏହି ପଦକ୍ଷେପକୁ ପ୍ରଶଂସା କରିଛନ୍ତି ଡୋନାଲ୍ଡ ଟ୍ରମ୍ପ । ସେ କହିଛନ୍ତି ଯେ, ଯୁଦ୍ଧ କରିବା ପରିବର୍ତ୍ତେ ୟୁକ୍ରେନରେ ସଂଘର୍ଷର ଅନ୍ତ କରିବାକୁ ଚାହାଁନ୍ତି, ଯାହାକୁ ତାଙ୍କ ପ୍ରଶାସନ ଆମେରିକା ଏବଂ ରୁଷ ମଧ୍ୟରେ ଏକ ପ୍ରକ୍ସି ଯୁଦ୍ଧ ଭାବରେ ଦେଖେ। ଟ୍ରମ୍ପ କହିଥିଲେ ଯେ ସେ ଜଣେ ଶାନ୍ତି ସ୍ଥାପନକାରୀ ଭାବରେ ଲୋକଙ୍କ ମନରେ ରହିବାକୁ ଚାହାଁନ୍ତି।
