ଗଞ୍ଜାମ : ଦିନକୁ ଦିନ ଗଞ୍ଜାମରେ ଅପରାଧିକ ମାମଲା ବୃଦ୍ଧି ପାଉଛି । ଗୋପାଳପୁର ବେଳାଭୂମିରେ ଦୁଷ୍କର୍ମ ଘଟଣା ସାରା ଓଡିଶାକୁ ଦୋହଲାଇ ଦେଇଛି । ତେବେ ଏହାରି ଭିତରେ ଆଉ ଏକ ପାରିବାରିକ ଅପରାଧ ମାମଲା ସାମ୍ନାକୁ ଆସିଛି । ସ୍ୱାମୀର ତଣ୍ଟି ଚିପି ଜୀବନ ନେଇଛି ସ୍ତ୍ରୀ । ଧରାକୋଟ ଥାନା ମୁଣ୍ଡମରାଇ ଗାଁରେ ଘଟିଛି ଏହି ହତ୍ୟାକାଣ୍ଡ ।ମୃତ ଯୁବକ ହେଲେ ଅମରନାୟକ । ସୂଚନା ଅନୁଯାୟୀ, ଗତକାଲି କୈାଣସି କାରଣରୁ ସ୍ୱାମୀ ସ୍ତ୍ରୀଙ୍କ ମଧ୍ୟରେ କଳହ ଥିଲା । ଏହା ପରେ ସ୍ତ୍ରୀ ଅଞ୍ଜନା ଉତକ୍ଷିପ୍ତ ହୋଇ ସ୍ୱାମୀର ତଣ୍ଟିଚିପି ହତ୍ୟା କରିଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହିତ ଅଭିଯୁକ୍ତ ସ୍ତ୍ରୀକୁ ଅଟକ ରଖି ଅଧିକ ତଦନ୍ତ ଆରମ୍ଭ କରିଛି ।
