ନୂଆଦିଲ୍ଲୀ : ନୃଶଂସ ବାପା, ସାଜିଲା ପିଶାଚ । ପାରିବାରିକ କଳହରୁ ୩ ନାବାଳିକା ଝିଅର ତଣ୍ଟି କାଟିଲା ବାପା । ଝିଅଙ୍କ ଗଳା କାଟିବା ପରେ ନିଜେ ଆତ୍ମହତ୍ୟା କରିଛନ୍ତି ବ୍ୟକ୍ତି । କେରଳର କୋଟ୍ଟାୟମ ଜିଲ୍ଲା ପାଲାରେ ଘଟିଛି ଏମିତି ଘଟଣା । ବ୍ୟକ୍ତି ଜଣକ ନିଜ ୩ ନାବାଳିକା ଝିଅଙ୍କ ତଣ୍ଟି କାଟି ନିଜେ ଆତ୍ମହତ୍ୟା କରିଛନ୍ତି । ଖବର ପାଇଁ ପୋଲିସ ଘଟଣା ସ୍ଥଳରେ ପହଞ୍ଚି ମାମଲାର ଯାଞ୍ଚ କରୁଛି ।
ରାମାପୁରମ ପୋଲିସ ଷ୍ଟେସନର ଜଣେ ଅଧିକାରୀ କହିଛନ୍ତି, ଚେଟ୍ଟୁକୁଲମ କଲୋନୀ ନିବାସୀ ବ୍ୟକ୍ତି ଜଣକ ନିଜ ୩ ନାବାଳିକା ଝିଅ ଶୋଇବା ପରେ ତାଙ୍କ ଉପରେ ଆକ୍ରମଣ କରି ତଣ୍ଟି କାଟିଦେଇଥିଲା । ସେମାନେ କୌଣସି ମତେ ଖସି ପଡୋଶୀ ଘରକୁ ଚାଲିଯାଇଥିଲେ । ଆଉ ନିଜ ସଂପର୍କୀୟଙ୍କୁ ଖବର ଦେଇଥିଲେ । ସଂପର୍କୀୟ ଆସି ଦେଖିବା ବେଳକୁ ବ୍ୟକ୍ତି ଜଣକ ଆତ୍ମହତ୍ୟା କରିନେଇଥିଲେ ।
ବୈବାହିକ କଳହ ଯୋଗୁଁ ପତ୍ନୀ ଛାଡି ଚାଲିଯିବା ପରେ ବ୍ୟକ୍ତି ଜଣକ ୩ ଝିଅକୁ ଧରି ରହୁଥିଲେ । ଦିନକୁ ଦିନ ଝଗଡା ବଢିଚାଲିଥିବାରୁ ୩ ଝିଅଙ୍କୁ ମାରିବାକୁ ଚେଷ୍ଟା କରିଥିଲେ । ପୋଲିସ ଏହି ମାମଲାରେ ଆଇପିସି ଧାରା ୩୦୭, ୩୨୪, ୭୭ ଅଧିନରେ ମାମଲା ରୁଜୁ କରି ତଦନ୍ତ କରୁଛି ।
