ଭୁବନେଶ୍ୱର : ‘ଧୃତରାଷ୍ଟ’୍ର ଆକ୍ଷେପ ପରେ ପାଣ୍ଡିଆନଙ୍କୁ କଟାକ୍ଷ କଲେ ଶ୍ରୀମୟୀ ମିଶ୍ର । ସନ୍ନ୍ୟାସ ଏବଂ ସନ୍ନ୍ୟାସୀ ବିଷୟ ନେଇ ସୋସିଆଲ ମିଡିଆରେ ପୋଷ୍ଟ । ସନ୍ୟାସୀ ସର୍ବପରି ଜଗତର ମଙ୍ଗଳ କାମନା କରନ୍ତି । ହେଲେ ଆଜିର ଯୁଗରେ ସନ୍ନ୍ୟାସୀଙ୍କ ପରିଭାଷା ଅଲଗା । ‘ଜଗତ ପଛେ ନର୍କେ ପଡିଥାଉ’, ମୋ ଜୀବନ ଉଦ୍ଧାର ହେଉ । କିଛି ସନ୍ନ୍ୟାସୀ ଜଗନ୍ନାଥଙ୍କ ନାମନେଇ ଅନ୍ୟପାଇଁ ଗାତ ଖୋଳୁଛନ୍ତି । ଅନ୍ୟ ପାଇଁ ଗାତ ଖୋଳିବାକୁ ଯାଇ ନିଜେ ଗାତରେ ପଡୁଛନ୍ତି ।
ବଲିଉଡର ପ୍ରତିଷ୍ଠିତ ନିର୍ଦ୍ଦେଶକ ପ୍ରକାଶ ଝା’ଙ୍କ ୱେବ୍ ସିରିଜର ଉଦାହରଣ ଦେଇ ସନ୍ନ୍ୟାସ ଓ ସନ୍ନ୍ୟାସୀର କଥା ଉଠାଇଛନ୍ତି ବିଜେଡି ନେତ୍ରୀ । ଏହାସହ ଆଜିର ଯୁଗରେ ସନ୍ନ୍ୟାସୀଙ୍କ ସଜ୍ଞା ବଦଳି ଯାଇଥିବା କହିଛନ୍ତି । ସୋସିଆଲ ମିଡିଆ ଆକାଉଣ୍ଟରେ ଏକ ପୋଷ୍ଟ ସେୟାର କରି ଶ୍ରୀମୟୀ ଲେଖିଛନ୍ତି, ସନ୍ନ୍ୟାସରୁ ସନ୍ନ୍ୟାସୀ ସଂସାରର ସମସ୍ତ ସୁଖ ସମ୍ଭୋଗଠୁ ଦୁରେଇ ରହିବା ବା ସମସ୍ତ ମୋହ ମାୟା ପ୍ରତି ଦୁର୍ବଳତା ନ ରଖିବା ବ୍ୟକ୍ତି ବିଶେଷଙ୍କୁ ସମାଜ ସନ୍ନ୍ୟାସୀ ରୂପେ ଗ୍ରହଣ କରେ । କିନ୍ତୁ ଏଥିରେ ସନ୍ଦେହ କିମ୍ୱା ବ୍ୟତିକ୍ରମ ହେଲେ ସମାଜ ଭଣ୍ଡ ସନ୍ନ୍ୟାସୀର ରୂପ ଦେବାକୁ ତିଳେ ମାତ୍ର ପଛଘୁଞ୍ଚା ଦେଇନାହିଁ ।
