ନୂଆଦିଲ୍ଲୀ : ପୋଲିସକୁ ଆମେ ନିଜର ସୁରକ୍ଷାକାରୀ ବୋଲି ମାନିଥାଉ କିନ୍ତୁ ଯେତେବେଳେ ପୋଲିସ ସବୁ ସୀମା ପାର କରିଯିବ ତେବେ କାହାକୁ କହିବା । ହଁ ଆଜ୍ଞା ନୃଂଶସତାର ସବୁ ସୀମା ପାର କରିଛି ଜଣେ ପୋଲିସ ସବ୍ ଇନ୍ସପେକ୍ଟର । ୪ ବର୍ଷର ନାବାଳିକାକୁ କଥାରେ ଫସାଇ ଦୁଷ୍କର୍ମ କରି ଗିରଫ ହେଲେ ପୋଲିସ ବାବୁ । ଘଟଣାଟି ରାଜସ୍ଥାନର ଦୋସାରେ ଘଟିଛି । ଏହି ଘଟଣାକୁ ନେଇ ଏଏସପି ବଜରଙ୍ଗ ସିଂ ଯାଞ୍ଚ ଚାଲିଛି ବୋଲି କହିଛନ୍ତି ।ଖବର ମୁତାବକ, ରାଜସ୍ଥାନ ଜିଲ୍ଲାର ଲାଲସୋଟ ଅଞ୍ଚଳରେ ଭୁପେନ୍ଦ୍ର ସିଂ ନାମକ ଅଭିଯୁକ୍ତ ସବ୍-ଇନ୍ସପେକ୍ଟର ଅପରାହ୍ନରେ ୪ ବର୍ଷର ନାବାଳିକାଙ୍କୁ କଥାରେ ଫସାଇ ରୁମକୁ ନେଇ ଦୁଷ୍କର୍ମ କରିଛନ୍ତି। କେବଳ ସେତିକି ନୁହେଁ, ଏହି ମାମଲାରେ ଅଭିଯୁକ୍ତଙ୍କୁ ଗିରଫ କରାଯାଇ ପଚରାଉଚରା କରାଯାଉଥିବା ମଧ୍ୟ ସେ କହିଛନ୍ତି ।ଏଏସପି ସିଂ କହିଛନ୍ତି, ପୋଲିସ ଇନ୍ସପେକ୍ଟରଙ୍କ ଘର ପାଖରେ ରହୁଥିବା ପରିବାର ଅଭିଯୋଗ ଆଧାରରେ ମାମଲା ରୁଜୁ କରାଯାଇ ଗିରଫ କରାଯାଇଛି । ନାବାଳିକାଙ୍କ ମେଡିକାଲ ଯାଞ୍ଚ ଚାଲିଛି । ଏହି ଘଟଣା ପରେ ସ୍ଥାନୀୟ ଲୋକ ଥାନା ବାହାରେ ବିରୋଧ ପ୍ରଦର୍ଶନ କରିଥିଲେ । ତେବେ ସ୍ଥାନୀୟ ଲୋକ ସବଇନ୍ସପେକ୍ଟରଙ୍କୁ ମାରିଥିବା ସୂଚନା ମିଳିଛି ।
