ନୂଆଦିଲ୍ଲୀ : ଦେଶରେ ଇଣ୍ଡିଗୋ ବିମାନ ଚଳାଚଳରେ ଦେଖା ଦେଇଥିବା ସଙ୍କଟକୁ ନେଇ ବଡ ପଦକ୍ଷେପ ନେଇଛି ଡିଜିସିଏ । ନିୟମରେ ପରିବର୍ତ୍ତନ କରି ଡିଜିସିଏ ସାପ୍ତାହିକ ଛୁଟି ନିର୍ଦ୍ଦେଶ ପ୍ରତ୍ୟାହାର କରିନେଇଛି । ଏହି ନିର୍ଦ୍ଦେଶ ପରେ ପରିସ୍ଥିତି ଶୀଘ୍ର ସ୍ୱାଭାବିକ ହେବ ବୋଲି ଆଶା କରାଯାଉଛି ।
ଇଣ୍ଡିଗୋ ମାମଲାରେ ରାମ ମୋହନ ନାୟଡୁ ଗୃହ ମନ୍ତ୍ରୀ ଅମିତ ଶାହଙ୍କୁ ସୂଚନା ଦେଇଥିଲେ । ଏହାପରେ ନିୟମକୁ ଫେରାଇ ନିଆଯାଇଛି । ପାଇଲଟ୍ ଅଭାବ ଏବଂ ନୂତନ ଡିଜିସିଏ ନିୟମାବଳୀକୁ ଏହାର କାରଣ ଭାବରେ ଦର୍ଶାଯାଇଛି । ଡିଜିସିଏ ଏବେ ସମସ୍ତ ଅପରେଟରଙ୍କୁ କ୍ରୁ ସଦସ୍ୟଙ୍କ ପାଇଁ ସାପ୍ତାହିକ ଛୁଟି ସମ୍ପର୍କରେ ନିର୍ଦ୍ଦେଶ ପ୍ରତ୍ୟାହାର କରି ନେଇଛି । ଡିଜିସିଏ କହିଛି ଯେ, ଚାଲୁଥିବା କାର୍ୟ୍ୟକ୍ଷମ ବାଧା ଏବଂ କାର୍ୟ୍ୟର ନିରନ୍ତରତା ଏବଂ ସ୍ଥିରତା ସୁନିଶ୍ଚିତ କରିବା ପାଇଁ ବିଭିନ୍ନ ଏୟାରଲାଇନ୍ସରୁ ମିଳିଥିବା ପ୍ରତିନିଧିତ୍ୱକୁ ଦୃଷ୍ଟିରେ ରଖି, ସାପ୍ତାହିକ ବିଶ୍ରାମ ବଦଳରେ ଏବେ କୌଣସି ଛୁଟି ଦିଆଯିବ ନାହିଁ ।
