ନୂଆଦିଲ୍ଲୀ : ଦିଲ୍ଲୀ ଶାସ୍ତ୍ରୀନଗରରେ ଭୟାବହ ଅଗ୍ନିକାଣ୍ଡ । ୪ ଜଣ ଜୀବନ୍ତ ଦଗ୍ଧ । ଆବାସିକ କୋଠାରେ ନିଆଁ ଲାଗି ୨ ଶିଶୁ ସମେତ ୪ ଜୀବନ୍ତ ଦଗ୍ଧ । ଗ୍ରାଉଣ୍ଡ ଫ୍ଲୋରରେ ଥିବା ପାର୍କିଂ ସ୍ଥାନରୁ ନିଆଁ ବ୍ୟାପିଥିବା ସୂଚନା । ଏହି ଅଗ୍ନିକାଣ୍ଡରେ ମୋଟ ୯ ଜଣ ଆହତ ହୋଇଥିବା କୁହାଯାଉଛି। ଏଥିରେ ୩ ଜଣ ପୁରୁଷ , ୪ଜଣ ମହିଳା ଓ ଦୁଇ ଜଣ ଶିଶୁ ରହିଛନ୍ତି । ସମସ୍ତଙ୍କୁ ନିକଟ ଏକ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ୪ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ତେବେ ନିଆଁ ଲାଗିବାର କିଛି ସମୟ ପରେ ଖବର ପାଇ ଘଟଣା ସ୍ଥଳରେ ପହଞ୍ଚିଥିଲା ଅଗ୍ନିଶମ ବାହିନୀ। ବହୁ ସମୟ ପରେ ନିଆଁକୁ ଆୟତ୍ତ କରିଥିଲା ଅଗ୍ନିଶମ ଟିମ୍।
