ଭୁବନେଶ୍ୱର : ସମାପ୍ତ ହୋଇଛି ତ୍ରିସ୍ତରୀୟ ପଞ୍ଚାୟତ ନିର୍ବାଚନ । ଆଜିଠାରୁ ଆରମ୍ଭ ହୋଇଛି ଭୋଟ ଗଣତି । ତେବେ ୩ଦିନ ଧରି ଭୋଟ ଗଣନା କାର୍ଯ୍ୟ ଚାଲୁ ରହିବ । ଆସନ୍ତା ୨୮ ତାରିଖ ପର୍ଯ୍ୟନ୍ତ ଚାଲିବ ଏହି ଭୋଟ ଗଣନା କାର୍ଯ୍ୟ । ଏ ନେଇ ସୁରକ୍ଷା ବ୍ୟବସ୍ଥାକୁ ଖୁବ୍ କଡ଼ାକଡ଼ି କରାଯାଇଛି । ଆଜି ସକାଳ ୮ଟାରୁ ଆରମ୍ଭ ହୋଇଛି ଭୋଟ ଗଣତି ପ୍ରକ୍ରିୟା । ତେବେ ଶନିବାର ଠାରୁ ଆରମ୍ଭ ହୋଇଥିବା ଏହି ଭୋଟ ଗଣତିର ପ୍ରାରମ୍ଭିକ ପର୍ଯ୍ୟାୟରେ ବିଜେଡି ଆଗୁଆ ରହିଛି । ବିଜେଡି ୨୦୨ ଜୋନ୍ରେ ଆଗୁଆ ଚାଲିଥିବା ବେଳେ ବିଜେପି ୨୫ ଟି ଜୋନ୍ରେ ଆଗୁଆ ରହିଛି । ସେହିପରି କଂଗ୍ରେସ ଦଳ ୧୬ ଟି ଜୋନ୍ରେ ଆଗୁଆ ରହିଥିବା ବେଳେ ଅନ୍ୟାନ୍ୟ ପ୍ରାର୍ଥୀ ୫ଟି ଜୋନ୍ରେ ଆଗୁଆ ରହିଛନ୍ତି । ଏ ନେଇ ରାଜ୍ୟ ନିର୍ବାଚନ କମିଶନରଙ୍କ ପକ୍ଷରୁ ସୂଚନା ମିଳିଛି ।
