ନୂଆଦିଲ୍ଲୀ : ପୁଣି ବିଷାକ୍ତ ମଦ ନେଲା ଜୀବନ । ବିଷାକ୍ତ ମଦ ପିଇ ୩ ମହିଳାଙ୍କ ସମେତ ୧୦ ଜଣଙ୍କର ମୃତ୍ୟୁ । ତାମିଲନାଡୁର ଭିଲୁପୁରାମ ଏବଂ ଚେଙ୍ଗଲପାଟ୍ଟୁ ଜିଲ୍ଲାରେ ବିଷାକ୍ତ ମଦ ନେଇକ୍ତି ଜୀବନ । ଭିଲୁପୁରାମ ଜିଲ୍ଲାର ମାରାକାନାମ ନିକଟ ଏକକିରାକୁପ୍ପମର ରହୁଥିବା ୬ ଜଣଙ୍କର ମୃତ୍ୟୁ ହୋଇଛି ।ସ୍ଥାନୀୟ ଅଧିକାରୀଙ୍କ କହିବାନୁଯାୟୀ, ଚେଙ୍ଗଲପଟଟୁ ଜିଲ୍ଲାର ମଧୂରଥଙ୍ଗମରେ ଶୁକ୍ରବାର ଦିନ ଦୁଇ ଜଣଙ୍କର ମୃତ୍ୟୁ ହୋଇଥିଲା ଏବଂ ରବିବାର ଦିନ ଜଣେ ଦମ୍ପତିଙ୍କ ମୃତ୍ୟୁ ଘଟିଛି । ଏହି ୪ଜଣଙ୍କର ମୃତ୍ୟୁ ବିଷାକ୍ତ ମଦ ପିଇ ହୋଇଛି । ବର୍ତ୍ତମାନ ୨୪ ଜଣରୁ ଅଧିକ ଲୋକଙ୍କ ଚିକିତ୍ସା ଚାଲିଛି ।ଏହି ଘଟଣା ପରେ ଇନ୍ସପେକ୍ଟର ଜେନେରାଲ୍ ପୋଲିସ୍ କହିଛନ୍ତି ଯେ, ସମସ୍ତ ୧୦ ଜଣ ପୀଡିତ ବ୍ୟକ୍ତି ଇଥାନଲ-ମିଥାନୋଲ ପଦାର୍ଥ ସହିତ ମଦ୍ୟପାନ କରିଛନ୍ତି। ତେବେ ଉଭୟ ଜିଲ୍ଲାରେ ଦୁଇଟି ମଦ ପିଇବା ଘଟଣା ସାମ୍ନାକୁ ଆସିଛି। ବାନ୍ତି, ଆଖି ପୋଡିବା ଏବଂ ମୁଣ୍ଡ ବୁଲାଇବା ଅଭିଯୋଗରେ ଭିଲୁପୁରମ୍ ଜିଲ୍ଲାରେ ଛଅ ଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେମାନଙ୍କ ମଧ୍ୟରୁ ଅନେକଙ୍କର ମୃତ୍ୟୁ ହୋଇଥିଲା। ଏହି ଘଟଣାରେ ଅଭିଯୁକ୍ତ ଅମରନକୁ ଗିରଫ କରିବା ସହିତ ବିଷାକ୍ତ ମଦ ଜବତ କରିଛି ପୋଲିସ ।
