ନୂଆଦିଲ୍ଲୀ : ମାଙ୍ଗାଲୋରରେ ଏକ ଟ୍ରକ ନିୟନ୍ତ୍ରଣ ହରାଇ ରାସ୍ତାରେ ଡିଭାଇଡର ଉପରେ ଚଢିଯାଇଥିଲା । ଯାହାଦ୍ୱାରା ଅନେକ କ୍ଷୟକ୍ଷତି ହୋଇଛି ଏବଂ ଏହି ଦୁର୍ଘଟଣାରେ ଅନେକ ଲୋକ ଆହତ ହୋଇଛନ୍ତି । ଏହି ଘଟଣା ଡିସେମ୍ବର ୭ରେ ମାଙ୍ଗାଲୋର ସହରରେ ଘଟିଛି । ଏହି ଟ୍ରକଟି ଓଭର ସ୍ପିଡରେ ଯାଉଥିଲା ଯାହା ଫଳରେ ସେ ନିୟନ୍ତ୍ରଣ ହରାଇଥିଲା ଏବଂ ଡିଭାଇଡର ଉପରେ ଚଢି ଯାଇଥିଲା । ଟ୍ରାଫିକ ପୋଲିସଙ୍କ ସମେତ ଏହି ଟ୍ରକଟି ଅନ୍ୟ ୩ ଜଣଙ୍କ ଉପରେ ଚଢିଯାଇଥିଲା ଯାହାଫଳରେ ସେମାନେ ଆହତ ହୋଇଛନ୍ତି । ଏହି ୩ ଜଣଙ୍କ ମଧ୍ୟରେ ଦୁଇ ବାପା ଝିଅ ମଧ୍ୟ ସାମିଲ ଥିଲେ । ଘରକୁ ଫେରୁଥିବା ସମୟରେ ସେମାନେ ମଧ୍ୟ ଏଥିରେ ଆହତ ହୋଇଥିଲେ । ଏହି ଟ୍ରକଟି ଏକ ବାଇକ ଓ ଏକ ଅଟୋକୁ ଧକ୍କା ଦେଇଥିଲା । ଟ୍ରକ ଧକ୍କା ଦେବା ଫଳରେ ଅଟୋଟି ସମ୍ପୂର୍ଣ୍ଣ ଭାବେ ଓଲଟିଯାଇଥିଲା । ରାସ୍ତାରେ ଯାଉଥିବା ଲୋକମାନେ ଭୟଭୀତ ହୋଇ ଦୌଡ଼ିପଳାଇ ଥିଲେ । ତେବେ ଏହି ସମ୍ପୂର୍ଣ୍ଣ ଘଟଣା ସିସିଟିଭିରେ କଏଦ ହୋଇଥିଲା । ଏବେ ଏହି ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
