କଟକ :ଟ୍ରକ-ଟ୍ୟାଙ୍କର ମୁହାଁମୁହିଁ ଧକ୍କା । କଟକ ପାରାଦ୍ଵୀପ ଜାତୀୟ ରାଜପଥ ଉପରେ ଗତି ରାଉତପଟଣା ଅଞ୍ଚଳରେ ଦୁର୍ଘଟଣା ଘଟିଛି । କଟକ ଅଭିମୁଖେ ଏକ ଧାନମଣ୍ଡି ଟ୍ରକ୍ ଆସୁଥିବା ବେଳେ କନ୍ଦରପୁର ଆଡ଼କୁ ଯାଉଥିଲା ଏକ ଖାଲି ତେଲ ଟ୍ୟାଙ୍କର୍ । ଉଭୟ ସାମ୍ନା ସାମ୍ନି ପିଟି ହୋଇଥିଲେ । ଏହି ସମୟରେ ତେଲ ଟ୍ୟାଙ୍କର ପଛରେ ଆସୁଥିବା ଏକ ହାଇୱା ମଧ୍ୟ ପଛରେ ପିଟି ହୋଇଥିଲା । ଫଳରେ ଦୁଇ ଜଣ ଡ୍ରାଇଭର ଗୁରୁତର ଆହତ ହୋଇଛନ୍ତି । ତେଲ ଟ୍ୟାଙ୍କର ଡ୍ରାଇଭର ଫସି ଯାଇଥିଲେ । ଅଗ୍ନିଶମ ବାହିନୀ ପହଞ୍ଚି ହାଇଡ୍ରୋଲିକ୍ କଟର ଜରିଆରେ କାଟି ଡ୍ରାଇଭରଙ୍କୁ ଉଦ୍ଧାର କରିଥିଲେ । ଆହତଙ୍କୁ ଏସସିବିରେ ଭର୍ତ୍ତି କରାଯାଇଛି।
