ଜଗତସିଂହପୁର : ଚେକ୍ ବାଉଁସ କେସ ଆଧାରରେ ଆଜି ମଧୁପାଟଣା ଥାନା ଅଧିକାରୀ ଜଣେ ବ୍ୟକ୍ତିକୁ ଗିରଫ କରିଛି । ବ୍ୟକ୍ତି ଜଣକ ହେଲେ ଜଗତସିଂହପୁର ଜିଲ୍ଲାର ବାଲିକୁଦା ଥାନା ଅନ୍ତର୍ଗତ ସାରଣା ଗ୍ରାମର ସମ୍ପଦ ସ୍ଵାଇଁ ପିତା ବୀରକିଶୋର ସ୍ଵାଇଁ ବୋଲି ଜଣାପଡିଛି । ସମ୍ପଦ ଦେବାଶିଷ ସାମନ୍ତସିଂହାର ଠାରୁ କିଛି ଅର୍ଥ ଧାର ଆଣିଥିଲେ । ଅର୍ଥ ବାବଦକୁ ଏକ ଚେକ୍ ଦେଇଥିଲେ । ସେହି ଚେକ୍ ଟି ୧୦ ଲକ୍ଷ ଟଙ୍କାର । ସମ୍ପଦ ନେଇଥିବା ଟଙ୍କା ନ ଫେରିବାରୁ ଦେବାଶିଷ ଚେକ ଟିକୁ ବ୍ୟାଙ୍କରେ ଲଗାଇ ବାରୁ ସେ ଚେକ୍ ଟି ବାଉଁଶ୍ ହୋଇଯାଇଥିଲା । ଏହି ବାବଦରେ ଦେବାଶିଷ ମଧୁପାଟଣା ଥାନାରେ ଏକ ଲିଖିତ ଆକାରରେ ଅଭିଯୋଗ ଦେବା ପରେ ପୋଲିସ ସମ୍ପଦ ସ୍ଵାଇଁଙ୍କ ଭୁବନେଶ୍ୱର ଭଡ଼ା ଘରେ ଚଢ଼ାଉ କରି ସମ୍ପଦକୁ ଗିରଫ କରି ପଚରା ଉଚରା କରୁଛି । ବିଶେଷ ସୁତ୍ରରୁ ଜଣାପଡିଛି କି ସମ୍ପଦ ସ୍ଵାଇଁ ଜଣେ ଫ୍ରଡ । ସେ ଫ୍ରଡ କରି ବିଭିନ୍ନ ଲୋକମାନଙ୍କ ଠାରୁ ପ୍ରାୟ ୨୦ କୋଟି ଟଙ୍କା ନେଇ ଲୁଚି ବୁଲୁଥିଲେ । ଦେବାଶିଷ ଅଭିଯୋଗ କଲାପରେ ପୋଲିସ ଗିରଫ କରିଛି । ପୋଲିସ ସଠିକ୍ ତଦନ୍ତ କଲେ ବହୁକିଛି ତଥ୍ୟ ପଦାକୁ ଆସିବ ବୋଲି ସାଧରଣରେ ଦାବି ହେଉଛି ।
