ରେଢାଖୋଲ : ଜମିରେ ଗୋଡାଇ ଗୋଡାଇ ଜଣକୁ ମାରିଦେଲେ । ବୁର୍ଡା ପଞ୍ଚାୟତ ବଡମାଳ ଗାଁରେ ଦିନ ଦ୍ୱିପ୍ରହରେ ଜୀବନ ନେଇଗଲେ । ଜମି ପାଇଁ ୩ ଜଣ ଗୋଡାଇ ଗୋଡାଇ ହାଣିଥିବା ଅଭିଯୋଗ । ମୃତକ ହେଲେ ପ୍ରଫୁଲ୍ଲ ନାୟକ । ପ୍ରଫୁଲ୍ଲ ଆଜି ଜମିରେ ମାଟି କାମ କରୁଥିଲେ । ତାଙ୍କ ଜମିକୁ ଲାଗି ସେହି ଗାଁର ବିଭୂତି ପ୍ରଧାନଙ୍କ ଜମି ରହିଛି । ତେଣୁ ଆଜି ଜମିକୁ ନେଇ ଦୁଇଜଣଙ୍କ ମଧ୍ୟରେ ବଚସା ହୋଇଥିଲା । ପରେ ବିଭୂତି, ତାଙ୍କ ସ୍ତ୍ରୀ, ଭାଇ ଓ ମାଆ ମିଶି ସଂଘବଦ୍ଧ ଭାବେ ଆକ୍ରମଣ କରିଥିଲେ । ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । ହତ୍ୟାକାଣ୍ଡ ପରେ ୩ଜଣ ଫେରାର ହୋଇଯାଇଛନ୍ତି । ପୋଲିସ ବିଭୂତି ପ୍ରଧାନଙ୍କୁ ଅଟକ ରଖି ପଚରାଉଚରା କରୁଛି ।
