ଭୁବନେଶ୍ୱର : ଗ୍ରୀନ ଷ୍ଟିକର ଗାଡିରେ ଲଗାଇବା ବାଧ୍ୟତାମୂଳକ ନୁହେଁ । ପରିବହନ ମନ୍ତ୍ରୀ ବିଭୂତି ଭୂଷଣ ଜେନାଙ୍କ ସୂଚନା । ଏହି ମାସରେ ସମସ୍ତ ଆରଟିଓରେ ପର୍ଯ୍ୟାପ୍ତ ପରିମାଣ ଗ୍ରୀନ ଷ୍ଟିକର ଦିଆଯିବ । ଗ୍ରୀନ ଷ୍ଟିକର କେବଳ ଏକ ସୂଚକ । କୈାଣସି ଦେୟ ଦେବାକୁ ପଡିବନି । ଏଥିପାଇଁ ଅତ୍ୟଧିକ ବୋଝ ନେବାର ଆବଶ୍ୟକତା ନାହିଁ । ଅନ୍ୟପକ୍ଷରେ ସବୁଜ ଷ୍ଟିକର୍ ଲଗାଇବା ପାଇଁ ପରିବହନ ବିଭାଗ ପକ୍ଷରୁ ନିର୍ଦ୍ଦେଶାବଳୀ ଆସିଥିଲେ ମଧ୍ୟ ଆର୍ଟିଓସ୍ତରରେ କିଛିଟା ଦ୍ବନ୍ଦ୍ବ ରହୁଥିବା ଦେଖାଯାଇଛି। ପ୍ରଦୂଷଣ ପ୍ରମାଣପତ୍ର ଯୋଗାଇଦେବା ପାଇଁ ଅନେକ ସ୍ବୀକୃତିପ୍ରାପ୍ତ କେନ୍ଦ୍ର ରାସ୍ତାକଡ଼ମାନଙ୍କରେ ଖୋଲିଯାଇଛି। ଯେହେତୁ ପ୍ରମାଣପତ୍ର ଆଣିବା ବାଧ୍ୟତାମୂଳକ କରିଦିଆଗଲା, ତେଣୁ ଯିଏ ଯେଉଁଠୁ ପାରିଲେ ସେଇଠୁ ପ୍ରମାଣପତ୍ର ହାତେଇବାକୁ ଲାଇନ୍ ଲଗାଇଲେ। ଭିଡ଼ରେ ରହି ବହୁ କଷ୍ଟରେ ପ୍ରମାଣପତ୍ର ମଧ୍ୟ ହାତେଇ ସାରିଛନ୍ତି। ହେଲେ ଏବେ ଏସ୍ଟିଏର ନିର୍ଦ୍ଦେଶାବଳୀ ଅନୁଯାୟୀ ପ୍ରଦୂଷଣ ପ୍ରମାଣପତ୍ର ଦେଇଥିବା ଉକ୍ତ ପରୀକ୍ଷା କେନ୍ଦ୍ର ସଂପୃକ୍ତ ଆର୍ଟିଓଙ୍କ ପରିଧି ଭିତରେ ଆସୁଛି କି ନାହିଁ ତାହା ଯାଞ୍ଚ କରାଯିବ।
