ବ୍ୟୁରୋ : ଆପଣଙ୍କର କେଶ ଝଡୁଛି କି ? କେଶ ଝଡିବାକୁ ନେଇ ଚିନ୍ତିତ ରହୁଛନ୍ତି କି ? ବର୍ତ୍ତମାନ ସମୟରେ କେଶ ଝଡିବା ଏକ ସାଧାରଣ କଥା ଭଳି ହୋଇଗଲାଣି । ଖାଦ୍ୟ ପଦାର୍ଥ ଓ ପରିବେଶ ଅସନ୍ତୁଳନ ହେବା ଯୋଗୁ ଖୁବ କମ ବୟସରେ ମଧ୍ୟ କେଶ ଝଡୁଛି । ତେଣୁ ଆମେ ଆପଣଙ୍କୁ ଆଜି ଏମିତି ଏକ ଜିନିଷ ବିଷୟରେ କହିବୁ ଯାହା ଦ୍ୱାରା ଆପଣ ଏଥିରୁ ରକ୍ଷା ପାଇ ପାରିବେ । ବ୍ୟସ୍ତ ବହୁଳ ଜୀବନରୁ ଆପଣ କିଛି ସମୟ କାଢି ଏହି ପଦ୍ଧତିକୁ ଆପଣାଇଲେ ଆପଣଙ୍କ କେଶ ଝଡିବା କମିପାରିବ । ଅଁଳା ଏପରି ଏକ ଜିନିଷ ଯାହା ଆପଣଙ୍କ କେଶ ଝଡିବାକୁ ରୋକି ପାରିବ । ଅଁଳା ଅନେକ ଔଷଧୀୟ ଗୁଣରେ ଭରପୂର । ଯାହା ଅନେକ ସ୍ବାସ୍ଥ୍ୟଗତ ସମସ୍ୟାର ଚିନ୍ତାରୁ ମୁକ୍ତି ଦେଇଥାଏ । ଖାସ୍ କରି ଏହା ଡାଇବେଟିସ୍ ରୋଗୀଙ୍କ ପାଇଁ ବେଷ୍ଟ ହୋଇଥାଏ । ଯାହା ଖାଇବା ଦ୍ବାରା ଆଶ୍ଚର୍ୟ୍ୟଜନକ ଫଳାଫଳ ପ୍ରଦାନ କରିଥାଏ । ଏହାକୁ ଲଗାତାର ପିଇବା ଦ୍ବାରା ଆପଣଙ୍କ ସ୍ବାସ୍ଥ୍ୟରେ ମଧ୍ୟ ଉନ୍ନତି ଆଣିଥାଏ ।
ଅଁଳାରେ ଆଣ୍ଟି-ହାଇପରଲିପିଡେମିଆ, ଆଣ୍ଟିଡାଇବେଟିକ, ଆଣ୍ଟିକ୍ୟାନ୍ସର ଏବଂ ଆଣ୍ଟି-ଇନଫ୍ଲାମେଟୋରୀ ଗୁଣ ରହିଛି । ଆୟୁର୍ବେଦ ଅନୁଯାୟୀ ଅଁଳା ଜୁସ୍ ପିଇବା ଦ୍ୱାରା ଅନେକ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ଭଲ ହୋଇପାରିବ । ଏହି ସୁପରଫୁଡ୍ ଅଁଳା ଜୁସର ଉପକାରିତା ବିଷୟରେ ଜାଣିବା ପରେ, ଆପଣମାନେ ମଧ୍ୟ ଏହାକୁ ନିଶ୍ଚୟ ଆପଣଙ୍କର ଦୈନନ୍ଦିନ ଡାଏଟ୍ ପ୍ଲାନରେ ସାମିଲ କରିବେ । ତେବେ ଆସନ୍ତୁ ଅଁଳା ଜୁସ୍ ପିଇବାର କିଛି ସ୍ୱାସ୍ଥ୍ୟ ଉପକାରିତା ବିଷୟରେ ଜାଣିବା । କେଶ ଜନିତ ସମସ୍ୟାକୁ ମଧ୍ୟ ଦୂର କରେ । ବର୍ତ୍ତମାନ କେଶ ଝଡିବା ଏବଂ ଧଳା ହେବା ଭଳି ସମସ୍ୟା ଅଧିକାଂଶ ଲୋକଙ୍କ ପାଖରେ ଦେଖିବାକୁ ମିଳୁଛି । କାହିଁକିନା ଏଥିରେ ଥିବା ଆଣ୍ଟିଅକ୍ସିଡାଣ୍ଟ ଏବଂ ଭିଟାମିନ୍ କେଶକୁ ମଜବୁତ, ଘନ ଏବଂ ଚମକଦାର କରିବାରେ ସାହାଯ୍ୟ କରିଥାଏ । ଏହି ସବୁ ସମସ୍ୟା ପାଇଁ ଏହାକୁ ପ୍ରାକୃତିକ ଉପାୟ ବୋଲି କୁହାଯାଉଛି । ଓଜନ କରିବାର ସହଜ ଏବଂ ଉତ୍ତମ ବିକଳ୍ପ କହିଲେ ଅଁଳା ଜୁସକୁ ବୁଝାଏ । ଏହି ଜୁସକୁ ଲଗାତାର ପିଇବା ଦ୍ବାରା ଏହା ମେଟାବୋଲେଜିୟମକୁ ବୃଦ୍ଧି କରେ ଏବଂ ଶରୀରରେ ଥିବା ବିଷାକ୍ତ ପଦାର୍ଥକୁ ବାହାର କରିଥାଏ ।
