ନୂଆଦିଲ୍ଲୀ : କେରଳରେ ୨୪ ଘଣ୍ଟାରେ ୩୦୦ ନୂଆ କରୋନା ଆକ୍ରାନ୍ତ ଚିହ୍ନଟ । ଦିନକରେ ୩୦୦ କରୋନା ଆକ୍ରାନ୍ତ ଚିହ୍ନଟ ସହ ୩ ଜଣଙ୍କ ମୃତ୍ୟୁ । ଦେଶରେ ମୋଟ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୨୬୬୯କୁ ବୃଦ୍ଧି । ସ୍ୱାସ୍ଥ୍ୟ ମନ୍ତ୍ରଣାଳୟ ମୁତାବକ, ଦେଶରେ ଗତ ୨୪ ଘଣ୍ଟାରେ ୩୫୮ କରୋନା ମାମଲା ନୂଆ ଦେଖାଦେଇଛି । କେରଳରେ ୩୦୦, କର୍ଣ୍ଣାଟକରେ ୧୩, ତାମିଲନାଡୁରେ ୧୨, ଗୁଜରାଟରେ ୧୧, ମହାରାଷ୍ଟ୍ରରେ ୧୯, ତେଲେଙ୍ଗାନାରେ ୫, ଉତ୍ତରପ୍ରଦେଶ, ରାଜସ୍ଥାନ ଏବଂ ପଡୁଚରୀରେ ୨ ନୂଆ ମାମଲା ସାମ୍ନାକୁ ଆସିଛି । ପଞ୍ଜାବରେ ଜଣେ କର୍ଣ୍ଣାଟକରେ ୨ ଜଣଙ୍କର ମୃତ୍ୟୁ ହୋଇଛି । କୋଭିଡ୍ ସଂକ୍ରମଣକୁ ଦେଖି ଏବେ ଗୋଟିଏ ପରେ ଗୋଟିଏ ରାଜ୍ୟରେ ମାସ୍କ କଟକଣା ଫେରିଛି । ତେବେ ଜନଗହଳିପୂର୍ଣ୍ଣ ସ୍ଥାନରେ ମାସ୍କ ଲଗାଇବା ପାଇଁ କୁହାଯାଇଛି । ସାନିଟାଇଜର ବ୍ୟବହାର କରିବା ଆବଶ୍ୟକୀୟ ହୋଇପଡିଛି ।
