କେନ୍ଦୁଝର : କେନ୍ଦୁଝର ସହର ସିଲିସୁଆଁ ନିକଟରେ ଏକ ସାଧାରଣ ସଭାରେ ଯୋଗ ଦେଇଥିଲେ ୫ଟି ଅଧ୍ୟକ୍ଷ ଭି.କେ. ପାଣ୍ଡିଆନ୍ । ୭ ମାସ ପୂର୍ବରୁ ସେ ଏଠାକୁ ଆସିଥିବା ବେଳେ ସମୁଦାୟ ୭୧୦ଟି ଦରଖାସ୍ତ ପାଇଥିଲେ । ସେଥିରୁ ୬୫୦ଟି ଦରଖାସ୍ତ ରେ ଥିବା ସମସ୍ୟା ର ସମାଧାନ ହୋଇଛି । ଏଥିପାଇଁ ୭୬୦ କୋଟି ଟଙ୍କା ମୁଖ୍ୟମନ୍ତ୍ରୀ ମଞ୍ଜୁର କରିଥିବା ସେ କହିଥିଲେ । ମାତାରିଣୀଙ୍କ ମନ୍ଦିରର ଉନ୍ନତି ପାଇଁ ୫୦ କୋଟି ଟଙ୍କା, ଶ୍ରୀବଳ ଦେବଜୀଉ ମନ୍ଦିର ପାଇଁ ୪ କୋଟି ୮୦ ଲକ୍ଷ , ଗୋନାସିକା ଗୁପ୍ତଗଂଗାର ବ୍ରହ୍ମେଶ୍ଵର ମନ୍ଦିର ପାଇଁ ୩ କୋଟି ୫୦ ଲକ୍ଷ , ସୀତାବିଂଝ ମନ୍ଦିର ପାଇଁ ୨ କୋଟି ୪୦ ଲକ୍ଷ , ଭୀମକୁଣ୍ଡରେ ଝୁଲାପୋଲ ପାଇଁ ୧୯ କୋଟି ଟଙ୍କା, ଗୁଣ୍ଡିଚାଘାଗିର ଉନ୍ନତି ପାଇଁ ୨ କୋଟି ଟଙ୍କା ଏଥିସହିତ, ତେଲକୋଇ ବ୍ଲକରେ ଜଳସେଚନର ସୁବିଧା ପାଇଁ ୪୧ କୋଟି ଟଙ୍କା ମଂଜୁର ହୋଇଥିବା କହିଛନ୍ତି ୫ଟି ଅଧ୍ୟକ୍ଷ । ଏଥିସହିତ, ଆସନ୍ତା ମାସରୁ ଜିଲ୍ଲାରେ ଲକ୍ଷ୍ମୀ ଯୋଜନା କାର୍ୟ୍ୟକାରୀ ହେବ ବୋଲି ସେ କହିଥିଲେ । ଜିଲ୍ଲାରେ ସମୁଦାୟ ୧୩ ହଜାର ୩୧୦ କୋଟି ଟଙ୍କାର ଉନ୍ନତିମୂଳକ କାର୍ୟ୍ୟ ଚାଲିଥିବା ସେ କହିଛନ୍ତି । ଏବେ ସେ ପାଇଥିବା ଦରଖାସ୍ତର ସମାଧାନ ୧୦ ଦିନ ମଧ୍ୟରେ ହେବ ବୋଲି ସେ ଉପସ୍ଥିତ ଜନତାଙ୍କୁ କହିଥିଲେ ।
