ମଧ୍ୟପ୍ରଦେଶ : ମଧ୍ୟପ୍ରଦେଶ ପୋଲିସର ଆକ୍ସନ । କଫ ସିରପ କମ୍ପାନୀ ମାଲିକ ଗିରଫ । କଫ୍ ସିରପ ନିର୍ମାତା କମ୍ପାନୀ ଶ୍ରୀସନ ମେଡିକାଲ୍ସ ମାଲିକ ଗିରଫ । ମାଲିକ ଜି. ରଙ୍ଗନାଥନଙ୍କୁ ଚେନ୍ନାଇରୁ ଗିରଫ କଲା ପୋଲିସ । ରଙ୍ଗନାଥନଙ୍କୁ ହେପାଜକୁ ନେଇ ପୋଲିସର ପଚରାଉଚରା । କଫ ସିରପ ପିଇ ମଧ୍ୟପ୍ରଦେଶରେ ୨୧ ଶିଶୁଙ୍କ ମୃତ୍ୟୁ ହୋଇଛି । ମଧ୍ୟପ୍ରଦେଶ ପୋଲିସ ଏହି ଗମ୍ଭୀର ମାମଲାକୁ ଦୃଷ୍ଟିରେ ରଖି ଶ୍ରୀସନ ଔଷଧ କମ୍ପାନୀର ପଳାତକ ମାଲିକଙ୍କ ଉପରେ ପୁରସ୍କାର ଘୋଷଣା କରିଥିଲା । ଅଭିଯୁକ୍ତଙ୍କୁ ଗିରଫ କରିବାରେ ସାହାଯ୍ୟ କରୁଥିବା ଯେକୌଣସି ବ୍ୟକ୍ତିଙ୍କୁ ୨୦,୦୦୦ ଟଙ୍କା ପୁରସ୍କାର ଘୋଷଣା କରିଥିଲା । କମ୍ପାନୀର ପଳାତକ ମାଲିକମାନଙ୍କୁ ଶୀଘ୍ର ଗିରଫ କରିବା ପାଇଁ ଏକ ସ୍ୱତନ୍ତ୍ର SIT ଦଳ ମଧ୍ୟ ଗଠନ କରାଯାଇଥିଲା । ଯାହାର ପରିଣାମ ସ୍ୱରୂପ ରଙ୍ଗନାଥନଙ୍କୁ ଗିରଫ କରାଯାଇଥିଲା । ମଧ୍ୟପ୍ରଦେଶ ସ୍ୱାସ୍ଥ୍ୟ ରାଷ୍ଟ୍ରମନ୍ତ୍ରୀ ନରେନ୍ଦ୍ର ଶିବାଜୀ ପଟେଲ ବୁଧବାର କହିଛନ୍ତି ଯେ, ରାଜ୍ୟରେ ୨୦ ଜଣ ଶିଶୁ ଦୂଷିତ କଫ ସିରପ ଖାଇ ମୃତ୍ୟୁବରଣ କରିଛନ୍ତି ଏବଂ ଏହି ଗୁରୁତର ଅବହେଳା ପାଇଁ ତାମିଲନାଡୁ ସରକାର ଦାୟୀ ।
