ଭୁବନେଶ୍ୱର : ଦିନକୁ ଦିନ ବଢୁଛି ଓଲିଉଡରେ କଳି । ସୋସିଆଲ ମିଡିଆ ମାଧ୍ୟମରେ ଆରୋପ ପ୍ରତ୍ୟାରୋପ ଚାଲିଛି । ତେବେ ଓଲିଉଡ କଳି ସମାଧାନ ପାଇଁ ଓଏଫଡିସିରେ ବୈଠକ ବସିଥିଲା । ବୈଠକ ପରେ ଓଏଫଡିସି ଅଧ୍ୟକ୍ଷ କୁନା ତ୍ରିପାଠୀ ପ୍ରତିକ୍ରିୟା ରଖିଛନ୍ତି । କୁନା ତ୍ରିପାଠୀ କହିଛନ୍ତି , ଆଲୋଚନା ପାଇଁ ଡାକିଥିଲି , ଅରିନ୍ଦମ , ଶ୍ରୀତମ, ଟୁଟୁ ନାୟକ ଆସିଥିଲେ । ମନୋଜଙ୍କୁ ବାରମ୍ବାର ଫୋନ କର୍ିଥିଲେ ବି ସେ ଫୋନ ଉଠାଇଲେନି । ତଥାପି ଆମର ଚେଷ୍ଟା ରହିବ ଏ ଘଟଣା ଆଉ ଆଗକୁ ନ ବଢୁ ।
ଅନ୍ୟପଟେ ଓଲିଉଡ କଳି ଭିତରେ ପୁଣି ଏଣ୍ଟ୍ରି କରିଛନ୍ତି ନରସିଂହ ମିଶ୍ର । ମନୋଜ ମିଶ୍ରଙ୍କୁ ସମର୍ଥନ କରି ନିଜର ପ୍ରତିକ୍ରିୟା ରଖିଛନ୍ତି । ଜଣେ କଳାକାରଙ୍କୁ ଯେପରି ଅପମାନ କରାଗଲା ତାହା ନିନ୍ଦନୀୟ । ବ୍ୟାନ ପୂର୍ବରୁ ମନୋଜଙ୍କୁ କାରଣ ଦର୍ଶାଯାଇଥିଲା କି ? ରାଜ୍ୟ ସରକାର କେବଳ ଗୁମାସ୍ତାଙ୍କୁ ଧରି ବୟାନବାଜି କରୁଛନ୍ତି । ସମାଧାନ ପାଇଁ ନୁହେଁ , କେବଳ ଖସି ପଳାଇବାକୁ ଦରାଣ୍ଡି ହେଉଛନ୍ତି । ତୁରନ୍ତ ମନୋଜଙ୍କ ଉପରୁ ବ୍ୟାନ ପ୍ରତ୍ୟାହାର କର । ସେମାନେ କହୁଛନ୍ତି ଭୁଲ ଥିଲେ କ୍ଷମା ମାଗିବୁ , ପଶ୍ଚିମ ଓଡିଶା ଭାଷା ଓ କଳାକାରଙ୍କ ପ୍ରତି ଟିପ୍ପଣୀ ପାଇଁ କ୍ଷମା ମାଗ ।
