ନୂଆଦିଲ୍ଲୀ : ବିମାନ ଯାତ୍ରୀ ପାଇଁ ଖୁସି ଖବର । ଏଣିକି ବିମାନ ବନ୍ଦରେ ୧୦ ଟଙ୍କାରେ ମିଳିବ ଚା ଓ କଫି । କେନ୍ଦ୍ର ସରକାର ଏ ନେଇ ପ୍ରସ୍ତୁତି ଆରମ୍ଭ କରିଦେଇଛନ୍ତି । କେନ୍ଦ୍ରୀୟ ବିମାନ ଚଳାଚଳ ମନ୍ତ୍ରଣାଳୟ ତରଫରୁ ଏୟାରପୋର୍ଟ ଅଥରିଟି ଅଫ ଇଣ୍ଡିଆ ନିଜ ଅଧିନରେ ଥିବା ବିମାନବନ୍ଦରରେ ଭିତରେ ଉଡାଣ ଯାତ୍ରୀ କାଫେ ଆରମ୍ଭ କରିବାକୁ ଯାଉଛି । ଏଠାରେ କମ୍ ଦାମରେ ଯାତ୍ରୀଙ୍କୁ ଖାଇବା ସହିତ ଚା-କଫି ମିଳିବ । ଏହାର ଆରମ୍ଭ କୋଲକତା ସ୍ଥିତି ନେତାଜୀ ସୁଭାଷ ଚନ୍ଦ୍ର ବୋଷ ଏୟାରପୋର୍ଟରୁ ଆରମ୍ଭ ହେବ । ଏହା ଏକ ପାଇଲଟ ପ୍ରୋଜେକ୍ଟ । ଏହାପରେ ଅନ୍ୟ ଏହାରପୋର୍ଟରେ ଏହି ସୁବିଧା ମିଳିବ । କେନ୍ଦ୍ର ବିମାନ ଚଳାଚଳ ମନ୍ତ୍ରୀ ରାମମୋହନ ନାଇଡୁ କହିଛନ୍ତି, ବିମାନ ଯାତ୍ରୀଙ୍କ ଅନୁଭବକୁ ଭଲ କରିବା ପାଇଁ କମ୍ ଦାମରେ ଜଳପାଳନ ସୁବିଧା ମିଳିବା ପାଇଁ ଏୟାରପୋର୍ଟ ଉଡାଣ ଯାତ୍ରୀ କାଫେ ଖୋଲିବାକୁ ନିଷ୍ପତ୍ତି ନିଆଯାଇଛି ।
