ଉତ୍ତରାଖଣ୍ଡ : ଗତକାଲି ରାତିରୁ ଉତ୍ତରାଖଣ୍ଡର ପାହାଡ଼ି ଜିଲ୍ଲାଗୁଡ଼ିକରେ ବାଦଲ ଫଟା ବର୍ଷା । ଉତ୍ତରକାଶୀ ଜିଲ୍ଲାରେ ଏକ ହୋଟେଲ ନିର୍ମାଣରେ ନିୟୋଜିତ ଥିବା ନଅ ଜଣ ଶ୍ରମିକ ନିଖୋଜ ହୋଇଯାଇଛନ୍ତି। ପ୍ରବଳ ବର୍ଷା ହେବ ଫଳରେ ଯମୁନୋତ୍ରୀ ରାଜପଥ ୧୦ ମିଟର ଧୋଇଯାଇଛି । ରୁଦ୍ରପ୍ରୟାଗ ଏବଂ ଚାମୋଲି ଜିଲ୍ଲାରେ ଅବସ୍ଥିତ ବଦ୍ରିନାଥ ଏବଂ କେଦାରନାଥ ଅଞ୍ଚଳରେ ପ୍ରବଳ ବର୍ଷା ଯୋଗୁଁ, ମନ୍ଦାକିନୀ ଏବଂ ଅଳକନନ୍ଦା ନଦୀର ଜଳସ୍ତର ବିପଦ ସଙ୍କେତ ଉପରେ ରହିଛି । ଉଭୟ ଜିଲ୍ଲାର ପୋଲିସ ନଦୀ କୂଳରେ ରହୁଥିବା ଲୋକମାନଙ୍କୁ ସୁରକ୍ଷିତ ସ୍ଥାନକୁ ଯିବାକୁ ଅନୁରୋଧ କରୁଛନ୍ତି ଏବଂ ତୀର୍ଥଯାତ୍ରୀ ଏବଂ ଅନ୍ୟ ଲୋକମାନଙ୍କୁ ନଦୀ କୂଳକୁ ଯିବାରୁ ରୋକିବାକୁ ମଧ୍ୟ ଅନୁରୋଧ କରିଛନ୍ତି ।
