ରାୟଗଡା : ରାୟଗଡା କଲ୍ୟାଣସିଂହପୁରରେ ବିଷ ପିଇଦେଲେ ମହିଳା । ସ୍ୱାମୀ ଓ ପୁଅର ମୃତ୍ୟୁ ପରେ ବିଷ ପିଇଦେଲେ । ଗୁରୁତର ଅବସ୍ଥାନେ କଲ୍ୟାଣସିଂହପୁର ମେଡିକାଲରେ ଭର୍ତ୍ତି । ଥାନା ଆଇଆଇସିଙ୍କ ଉପସ୍ଥିତିରେ ପିଇଦେଲେ ବିଷ । କଲଭର୍ଟ ଭୁଶୁଡି ୫ ମୃତ । ରାୟଗଡା କଲ୍ୟାଣସିଂହପୁର ଉପରସଜା ନିକଟରେ ଥିବା କଲଭର୍ଟ ଭୁଶୁଡି ପଡିଛି । ମୃତକଙ୍କ ମଧ୍ୟରେ ୪ ଜଣ ଶିଶୁ ଓ ଜଣେ ୪୫ ବର୍ଷିୟ ବ୍ୟକ୍ତି ଅଛନ୍ତି । ସାଂଘାତିକ କଥା ହେଉଛି ଏହି ଦୁର୍ଘଟଣାରେ ବାପ, ପୁଅଙ୍କ ଜୀବନ ଯାଇଛି । ଏଭଳି ଦୁଃଖଦ ଘଟଣାରେ ଭାଙ୍ଗି ପଡ଼ିଥିବା ମୃତକଙ୍କ ପତ୍ନୀ ବିଷ ପିଇ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମହିଳାଙ୍କୁ ଗୁରୁତର ଅବସ୍ଥାରେ ମେଡିକାଲ ଆଣିଥିଲେ । ସେପଟେ ଘଟଣା ସ୍ଥଳରେ ମନ୍ତ୍ରୀ ଜଗନ୍ନାଥ ସାରକା ଓ ବିଧାୟକ ମକରନ୍ଦ ମୁଦୁଲି ମଧ୍ୟ ପହଞ୍ଚିଛନ୍ତି ।
