ନୂଆଦିଲ୍ଲୀ : ଆଜିଠୁ ଅସ୍ତ୍ରବିରତି । ଇସ୍ରାଏଲ-ହମାସ ଭିତରେ ଚାଲିଥିବା ଯୁଦ୍ଧରେ ଆଜିଠୁ ଅସ୍ତ୍ରବିରତି । ଆଜି ସକାଳ ୧୦ଟାରୁ ଅସ୍ତ୍ରବିରତି ଆରମ୍ଭ । ୪ ଦିନିଆ ଅସ୍ତ୍ରବିରତି ପାଇଁ ଉଭୟଙ୍କ ମଧ୍ୟରେ ଚୁକ୍ତି । ପ୍ରଥମ ପର୍ଯ୍ୟାୟରେ ଆଜି ୧୩ ପଣବନ୍ଦୀଙ୍କୁ ମୁକ୍ତ କରିବ ହମାସ । ୪ ଦିନରେ ୫୦ ପଣବନ୍ଦୀଙ୍କୁ ମୁକ୍ତ କରିବାକୁ ହୋଇଛି ଚୁକ୍ତି । ପ୍ରତିବଦଳରେ ୧୫୦ ଜଣ ପାଲେଷ୍ଟାଇନ ବନ୍ଦୀଙ୍କୁ ଜେଲରୁ ମୁକ୍ତ କରିବ ଇସ୍ରାଏଲ। ଯୁଦ୍ଧ ବିରାମ ଏବଂ ପଣବନ୍ଦୀଙ୍କ ମୁକ୍ତି ନେଇ ବୁଧବାର ସହମତ ହୋଇଥିଲେ ଦୁଇ ଦେଶ। ଅକ୍ଟୋବର ୭ରେ ଇସ୍ରାଏଲ ଉପରେ ଗାଜା ପଟିରୁ ରକେଟ୍ ମାଡ଼ କରିଥିଲା ହମାସ। ଇସ୍ରାଏଲର ପ୍ରାୟ ୨୪୦ ଜଣଙ୍କୁ ନେଇ ପଣବନ୍ଦୀ ରଖିଥିଲା। ଇସ୍ରାଏଲର ପ୍ରତିଆକ୍ରମଣରେ ଏପର୍ୟ୍ୟନ୍ତ ଗାଜାର ୧୪ ହଜାରରୁ ଅଧିକ ଲୋକଙ୍କ ମୃତ୍ୟୁ ଘଟିଲାଣି।
