ନୂଆଦିଲ୍ଲୀ : ଯୁଦ୍ଧ ଘନଘଟା ଭିତରେ ଆଜି ଇସ୍ରାଏଲ ଯିବେ ସୁନକ । ବ୍ରିଟେନ ପ୍ରଧାନମନ୍ତ୍ରୀ ରିଷି ସୁନକ ଆଜି ଇସ୍ରାଏଲ ଯିବେ । ଇସ୍ରାଏଲ ପ୍ରଧାନମନ୍ତ୍ରୀ ନେତନ୍ୟାହୁଙ୍କୁ ଭେଟିବେ ସୁନକ । ନେତନ୍ୟାହୁଙ୍କ ସହ ରାଷ୍ଟ୍ରପତି ଆଇଜାକ ହେରଜଗଙ୍କୁ ମଧ୍ୟ ଭେଟିବେ । ଏହି ଅବସରରେ ସୁନକ୍ କହିଛନ୍ତି ଆମେ ବନ୍ଧୁ ଭାବେ ସାହାଯ୍ୟ କରିବୁ । ଗାଜାରେ ଯେତେ ଶୀଘ୍ର ମାନବୀୟ ସହାୟତା ଏବଂ ସେଠାରେ ଫସିଥିବା ବ୍ରିଟେନ୍ ନାଗରିକଙ୍କୁ ସୁରକ୍ଷିତ ନିଜ ଦେଶକୁ ଆଣିବା ଉପରେ ମଧ୍ୟ ଗୁରୁତ୍ବ ଦେବେ । ଅନ୍ୟପକ୍ଷରେ ଇସ୍ରାଏଲ-ଗାଜା ବିବାଦର ଶାନ୍ତିପୂର୍ଣ୍ଣ ସମାଧାନ ପାଇଁ ୟୁକେର ବୈଦେଶିକ ସଚିବ ଇଜିପ୍ଟ, ତୁର୍କୀ ଓ କାତାରର ନେତୃବୃନ୍ଦଙ୍କ ସହ ଆଲୋଚନା କରିବେ।ଅନ୍ୟପଟେ ଆଜି ଟେଲ-ଆଭିଭରେ ପହଞ୍ଚିଥିବା ଆମେରିକା ରାଷ୍ଟ୍ରପତି ଜୋ ବାଇଡେନ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁଙ୍କ ସହ ଆଲୋଚନା କରିଛନ୍ତି । ଇସ୍ରାଏଲକୁ ସମର୍ଥନ ଘୋଷଣା କରିବା ସହ ଗାଜାର ହସ୍ପିଟାଲ ଉପରେ ହୋଇଥିବା ଆକ୍ରମଣ ଇସ୍ରାଏଲ ସେନା ନୁହେଁ ବରଂ ଅନ୍ୟ ଗୋଷ୍ଠୀ ଦ୍ବାରା ହୋଇଥିବା ବାଇଡେନ କହିଛନ୍ତି । ଗାଜା ହସ୍ପିଟାଲ ଆକ୍ରମଣରେ ବାଇଡେନ ଶୋକ ମଧ୍ୟ ପ୍ରକାଶ କରିଛନ୍ତି ।
