ତୁର୍କୀର ଇସ୍ତାନବୁଲରେ ସୋମବାର ବଡ଼ ଧରଣର ବିସ୍ଫୋରଣ ଘଟିଛି । ଏଥିରେ ୧୦ଜଣ ଆହତ ହୋଇଛନ୍ତି । ବିସ୍ଫୋରଣ ହେବାରୁ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି । ଆହତଙ୍କୁ ଡାକ୍ତରଖାନାକୁ ନିଆଯାଇଛି । ଏହି ବିସ୍ଫୋରଣ ଇସ୍ତାନବୁଲର ବେୟୋଗ୍ଲୁ ଜିଲ୍ଲାରେ ହୋଇଛି । ପରେ ସେହି ସ୍ଥାନକୁ ଖାଲି କରିଦିଆଯାଇଛି । ମାତ୍ର ଏହି ବିସ୍ଫୋରଣ କାହିଁକି ହୋଇଛି ତାହା ଏବେ ଯାଏ ଜଣାପଡ଼ିନାହିଁ।
ପ୍ରକାଶ ଯେ, ଏହି ଧମକା ଏତେ ଜୋରେ ହୋଇଥିଲା କି ଏହାର ଶଦ୍ଦ ବହୁତ ଦୂର ପର୍ଯ୍ୟନ୍ତ ଶୁଣାଯାଇଥିଲା । ଏହାର ଶଦ୍ଦ ଶୁଣି ଲୋକମାନଙ୍କ ମଧ୍ୟରେ ଭୟର ବାତାବରଣ ଖେଳିଯାଇଛି । ଖବରପାଇ ପୁଲିସ ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ଏହାସହ ସ୍ଥାନୀୟ ଅଞ୍ଚଳରେ ଲୋକମାନଙ୍କ ଶାନ୍ତି ବଜାୟ ରଖିବାକୁ କୁହାଯାଇଛି ।
