ନୂଆଦିଲ୍ଲୀ : ଆମେରିକାର ଦକ୍ଷିଣ କାଲିଫର୍ଣ୍ଣିଆରେ ବଡ ବିମାନ ଦୁର୍ଘଟଣା । ଦୁର୍ଘଟଣାରେ ୨ ଜଣଙ୍କର ଜୀବନ ଯାଇଥିବା ବେଳେ ୧୫ ଜଣ ଆହତ ହୋଇଥିବା ସୂଚନା ରହିଛି । ସୂଚନା ଅନୁଯାୟୀ, ବିମାନଟି ଏକ ବଡ ଗୋଦାମର ଛାତ ଉପରେ ଖସି ପଡିଥିଲା । ଦୁର୍ଘଟଣାରେ ୧୦୦ରୁ ଅଧିକ ଲୋକଙ୍କୁ ସ୍ଥାନାନ୍ତର କରାଯାଇଛି । କାଲିଫର୍ଣ୍ଣିଆର ଫୁଲର୍ଟନ ଏୟାରପୋର୍ଟ ନିକଟରେ ବିମାନଟି ଦୁର୍ଘଟଣାଗ୍ରସ୍ତ ହୋଇଛି । ଦୁର୍ଘଟଣା ପରେ ଏହାର ଭିଡିଓ ଭାଇରାଲ ହେବାରେ ଲାଗିଛି । ତେବେ ଏହାର ସତ୍ୟତା ସ୍ପଷ୍ଟ ହୋଇନାହିଁ । ଭିଡିଓରେ ଦେଖିବାକୁ ମିଳୁଛି ଯେ ଏହି ବିମାନଟି ଏକ ବଡ଼ ଗୋଦାମର ଛାତ ଉପରେ ଖସି ପଡ଼ିଥିଲା । ଏହାପରେ ଗୋଦାମରୁ ଧୂଆଁ ବାହାରୁଛି । ଦୁର୍ଘଟଣା ସମୟରେ ଗୋଦାମରେ ବହୁ ଲୋକ ଉପସ୍ଥିତ ଥିଲେ ।
