ଜଗତସିଂହପୁର : ଜଗତସିଂହପୁର ବ୍ଲକର ବିଭିନ୍ନ ପଞ୍ଚାୟତ ର ସରପଞ୍ଚ ମାନେ ଆଜି ରାଜ୍ୟ ସରକାର ଙ୍କ ଆମ ଓଡିଶା ଓ ନବୀନ ଓଡିଶା ଉନ୍ନୟନ ମୂଳକ କାର୍ଯ୍ୟରେ ଅଣଦେଖା କରାଯିବାକୁ ନେଇ ବ୍ଲକ ମଣ୍ଡଳ ଉନ୍ନୟନ ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ଜନ ପ୍ରତିନିଧି ମାନେ ଗଣ ଧାରଣା ଦେଇଥିବାର ଦେଖାଯାଇଛି । ସୂଚନା ଅନୁଯାଇ ରାଜ୍ୟ ସରକାରଙ୍କ ଓଡିଶା ବିଭିନ୍ନ ପଞ୍ଚାୟତର ଉନ୍ନତି ମୂଳକ କାର୍ଯ୍ୟ ନିମନ୍ତେ ଆସିଥିବା ବିଭିନ୍ନ ପ୍ରକଳ୍ପ କାର୍ଯ୍ୟକୁ ତ୍ୱରାନ୍ୱିତ କରିବା ନିମନ୍ତେ ସମ୍ପୂର୍ଣ ଭାବେ ପଞ୍ଚାୟତର ନିର୍ବାଚିତ ଜନପ୍ରତିନିଧି ମାନଙ୍କୁ ଅଣଦେଖା କରାଯିବା ସହିତ ପଞ୍ଚାୟତ ରାଜ ବିଭାଗର ନିୟମାବଳୀକୁ ହତ୍ୟା କରାଯାଉ ଥିବା ନେଇ ଏହି ଦାବୀରେ ଉପସ୍ଥାପନା କରିଛନ୍ତି ଜନପ୍ରତିନିଧି ମାନେ । ଅନ୍ୟପଟେ ଯଦି ଏହି ଦାବିକୁ ନଶୁଣା ଯାଏ ଏବଂ ସ୍ଥାନୀୟ ଜନ ପ୍ରତିନିଧି ମାନଙ୍କର କୌଣସି କଥାକୁ ଗୁରୁତ୍ୱ ନଦିଆ ଯାଇ ଆବଶ୍ୟକ ହେଉଥିବା ପ୍ରକଳ୍ପ ଗୁଡିକୁ ବାଦ ଦିଆଯାଏ ତେବେ ଏ ଆନ୍ଦୋଳନ ଜୋର ଧରିବ । ଯାହାକୁ ନେଇ ସମସ୍ତ ପଞ୍ଚାୟତ ର ଜନ ପ୍ରତିନିଧି ମାନେ ଜଗତସିଂହପୁର ବ୍ଲକ ସମ୍ମୁଖରେ ଗଣ ଧାରଣା ଦେବା ସହିତ ଏହାକୁ ଦୃଢ ପ୍ରତିବାଦ କରୁଥିବାର ଦେଖାଯାଇଛି ।
