ମୟୁରଭଞ୍ଜ : ଆଜି ମୟୁରଭଞ୍ଜ ଜିଲ୍ଲାର ଦ୍ଵିତୀୟ ପର୍ଯ୍ୟାୟ “ଆମ ଓଡ଼ିଶା ନବୀନ ଓଡ଼ିଶା” କାର୍ଯ୍ୟକ୍ରମ ରହିଥିଲା । ଏହି କାର୍ଯ୍ୟକ୍ରମରେ ମୟୁରଭଞ୍ଜ ଜିଲ୍ଲାର ସାରସକଣା ବ୍ଲକର ଶିର୍ଶା ଠାରେ ଜିଲ୍ଲା ପ୍ରଶାସନ ପକ୍ଷରୁ ଏକ କାର୍ଯ୍ୟକ୍ରମ ଆୟୋଜିତ କରାଯାଇଥିଲା। ଏହି କାର୍ଯ୍ୟକ୍ରମରେ ମୟୁରଭଞ୍ଜ ଜିଲ୍ଲାପାଳ ଅଧ୍ୟକ୍ଷତା କରିଥିଲେ ତେବେ ଏହି କାର୍ଯ୍ୟକ୍ରମ ରେ ରାଜସ୍ବ ମନ୍ତ୍ରୀ ସୁଦାମ ମାରାଣ୍ଡି ଉପସ୍ଥିତ ରହିଥଲେ । ଆଜିର ଦ୍ଵିତୀୟ ପର୍ଯ୍ୟାୟ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଭାସି, ଭିଡିଓ କନଫରେନ୍ସ ମାଧ୍ୟମରେ ମୟୁରଭଞ୍ଜ ଜିଲ୍ଲାର ଚାରିଗୋଟି ନିର୍ବାଚନ ମଣ୍ଡଳୀର ମନ୍ଦିର, ସ୍କୁଲ ,କଲେଜ, ରାସ୍ତା, ଖେଳପଡିଆ ପାଇଁ ୯୦ କୋଟି ଟଙ୍କା ର ଅଟକଳ ଘୋଷଣା କରିଥିଲେ।
ତେବେ ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମକୁ ବିରୋଧ କରି ସଭାସ୍ଥଳକୁ ବୟକଟ କରିଛନ୍ତି ମୟୁରଭଞ୍ଜ ଜିଲ୍ଲାର ସରପଞ୍ଚ ସଂଘ। ଜିଲ୍ଲା ସରପଞ୍ଚ ସଂଘ ସଂଯୋଜକ କହିଛନ୍ତି ଏହି କାର୍ଯ୍ୟକ୍ରମ ଏକ ମିଛ ପ୍ରହସନ, ସରକାରଙ୍କ ମିଛ ପ୍ରତିଶ୍ରୁତି,ଏହା ସରକାରୀ ଅର୍ଥରେ ଦଳୀୟ କାର୍ଯ୍ୟକ୍ରମ। ଓଡ଼ିଶା ସରପଞ୍ଚ ସଂଘ ଏହି କାର୍ଯ୍ୟକ୍ରମକୁ ବିରୋଧ କରୁଥିବା ବେଳେ ମୟୁରଭଞ୍ଜ ଜିଲ୍ଲାର ସରପଞ୍ଚ ସଂଘ ମଧ୍ୟ ଏହି କାର୍ଯ୍ୟକ୍ରମକୁ ବିରୋଧ କରିଛି ।
