ୱାସିଂଟନ : ଆଫଗାନିସ୍ତାନ ନାଗରିକଙ୍କୁ ଆମେରିକା ମନା । ୱାଶିଂଟନ୍ ଡିସି ଗୁଳିକାଣ୍ଡ ପରେ କଠୋର ପଦକ୍ଷେପ ନେଲା ଟ୍ରମ୍ପ ପ୍ରଶାସନ। ଆଫଗାନିସ୍ତାନ ପାସପୋର୍ଟଧାରୀଙ୍କ ଭିସା ବନ୍ଦ କଲା ଆମେରିକା । ଗତ ୨୬ ତାରିଖରେ ହ୍ୱାଇଟ୍ ହାଉସ୍ ନିକଟରେ ଘଟିଥିବା ଗୁଳିକାଣ୍ଡ ଜବାବରେ ଟ୍ରମ୍ପ ପ୍ରଶାସନ ଏହି ପଦକ୍ଷେପ ନେଇଛି । ଆଫଗାନିସ୍ତାନ ପାସପୋର୍ଟ ଥିବା ସମସ୍ତ ଯାତ୍ରୀଙ୍କ ଭିସା ଜାରି ଉପରେ ରୋକ୍ ଲଗାଇଛି । ଜାତୀୟ ନିରାପତ୍ତାକୁ ଦୃଷ୍ଟିରେ ରଖି ବୈଦେଶିକ ବିଭାଗ ଏହି ନିଷ୍ପତ୍ତି ନେଇଛି । ଆଫଗାନିସ୍ତାନ, ଲିବ୍ୟା, ସୋମାଲିଆ ଭଳି କିଛି ଦେଶରୁ ସ୍ଥାୟୀ ଭାବେ ମାଇଗ୍ରେସନ ବନ୍ଦ କରିବାକୁ ଘୋଷଣା କରିଛନ୍ତି ଟ୍ରମ୍ପ । ୱାସିଂଟନ ଡିସି ଆକ୍ରମଣରେ ୱେଷ୍ଟ ଭର୍ଜିନିଆ ନ୍ୟାସନାଲ ଗାର୍ଡର ଜଣେ ସଦସ୍ୟଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଅଛନ୍ତି । ଆଫଗାନିସ୍ତାନ ନାଗରିକ ରହମାନୁଲ୍ଲା ଲକାନୱାଲ ଏହି ଗୁଳିକାଣ୍ଡ କରିଥିଲା । ଯିଏ ଆଫଗାନିସ୍ତାନରୁ ୨୦୨୧ରେ ଶରଣାର୍ଥୀ ଭାବେ ଆମେରିକା ଆସିଥିଲା । ସେ ପୂର୍ବରୁ ଆଫଗାନିସ୍ତାନ ସେନାରେ ଥିଲା ଏବଂ ଆମେରିକା ସେନା ସହ କାମ କରିଥିଲେ ।
