କଟକ: କଟକ ମହାନଗର ନିଗମ ୫୯ ନଂ ୱାର୍ଡ ତେଲଙ୍ଗାପେଣ୍ଠ ନିକଟସ୍ଥ ରାମନଗର ଠାରେ ଥିବା ଅକ୍ସଫୋଡ ପବ୍ଲିକ ସ୍କୁଲ ପରିସରରେ ଆଜି ବିଦ୍ୟାଳୟ ସ୍ତରୀୟ ଦଶମ ବାର୍ଷିକ ବିଜ୍ଞାନ ପ୍ରଦର୍ଶନୀ ଓ ଖାଦ୍ୟ ମେଳା ଅନୁଷ୍ଠିତ ହୋଇଯାଇଛି। ଏହି ବିଜ୍ଞାନମେଳାଟିକୁ ପ୍ରକାଶ ନାୟକ ଉଦଘାଟନ କରିଥିଲେ । ବିଦ୍ୟାଳୟର ଅଧ୍ୟକ୍ଷ ନୟନ କିଶୋର ପରିଡ଼ା,ଡାଇରେକ୍ଟର ବଳରାମ ସାହୁ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ । ସ୍କୁଲର ପ୍ରିନ୍ସପାଲ ଡ଼ଃ ଅଜିତ କୁମାର ରଣାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ହୋଇଥିବା ଏହି ବିଜ୍ଞାନମେଳାରେ ୨୨୫ ଟି ବିଜ୍ଞାନ ପ୍ରକଳ୍ପ ଓ ୬୦ ରୁ ଉର୍ଦ୍ଧ୍ବ ଖାଦ୍ୟମେଳା ସ୍ଥାନିତ ହୋଇଥିଲା। ଆୟୋଜିତ କାର୍ୟ୍ୟକ୍ରମରେ ବିଜ୍ଞାନ ପ୍ରକଳ୍ପ ଓ ଖାଦ୍ୟ ମେଳା ଗୁଡିକର ମୂଲ୍ୟାୟନ କାରୀ ଭାବେ ୟୁକେ ବ୍ୟାଙ୍କ ମ୍ୟାନେଜର ଅଭିନାସ ସେଠୀ, ଆସିଷ୍ଟାଣ୍ଟ ମ୍ୟାନେଜର ବିଶ୍ଵଜିତ ପାତ୍ରୀ ଯୋଗଦେଇ ମୂଲ୍ୟାୟନ କରିଥିଲେ। ବିଞାନ ମେଳା ଦେଖିବା ପାଇଁ ଅଭିଭାବକ ଏବଂ ସ୍ଥାନୀୟ ଲୋକଙ୍କ ଭିଡ଼ ଜମିଥିଲା । କାର୍ୟ୍ୟକ୍ରମକୁ ସ୍କୁଲର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ କର୍ମଚାରୀ ମାନେ ପରିଚାଳନା କରିବାରେ ସହଯୋଗ କରିଥିଲେ ।
