ବଲାଙ୍ଗୀର: ପଞ୍ଚାୟତ ନିର୍ବାଚନ ପାଇଁ ସବୁଠି ଗାଁ ରାଜନୀତି ଚଳଚଞ୍ଚଳ ଥିବା ବେଳେ, ଭୋଟ ଦେବାକୁ ଯାଇ ଚାଲିଗଲା ଜଣେ ଭୋଟରଙ୍କ ଜୀବନ । ମୃତକଙ୍କ ନାମ ଗୋଲାପୀ ମହାକୁର । ବଲାଙ୍ଗୀର ଜିଲ୍ଲା ବନାରସ ଗ୍ରାମରେ ଦେଖିବାକୁ ମିଳିଛି ଏପରି ଏକ ଅଭାବନୀୟ ଘଟଣା ।
ସୂଚନାନୁଯାୟୀ, ସଇଁତଲା ବ୍ଲକ ବନାରସ ଗ୍ରାମର ମତଦାନ ସମୟରେ ୮ ନମ୍ବର ବୁଥରେ ଭୋଟ ଦେବା ପାଇଁ ଲାଇନ୍ରେ ଠିଆ ହୋଇଥିବା ସମୟରେ ହଠାତ ମହିଳା ଜଣକ ଅଚେତ ହୋଇପଡ଼ିଥିଲେ । ଅବସ୍ଥା ଗୁରୁତର ହେବାରୁ ସେଠାରେ ଉପସ୍ଥିତ ଥିବା ଲୋକେ ଚିକିତ୍ସା ପାଇଁ ଗୋଲାପୀଙ୍କୁ ହସ୍ପିଟାଲ ନେବା ବେଳେ ତାଙ୍କର ମୃତ୍ୟୁ ହୋଇଛି । ଗୋଲାପୀଙ୍କ ମୃତ୍ୟୁରେ ସାରା ଅଞ୍ଚଳରେ ଶୋକର ଛାୟା ଖେଳିଯାଇଛି ।
