ନୂଆଦିଲ୍ଲୀ: ଦୀର୍ଘ ୫୦ ବର୍ଷ ପରେ ଲିଭିବ ଇଣ୍ଡିଆ ଗେଟ୍ ସ୍ଥିତ ଅମର ଯବାନ ଜ୍ୟୋତି ଦୀପ । ଜାତୀୟ ଯୁଦ୍ଧ ସ୍ମାରକୀରେ ଜଳୁଥିବା ଦୀପ ସହ ଏହାକୁ ମିଶାଇ ଦିଆଯିବ । ସାଧାରଣତନ୍ତ୍ର ଦିବସ ପୂର୍ବରୁ ଏହି କାର୍ୟ୍ୟ ଆଜି ସମାପିତ ହେବ । ଏହି ଉତ୍ସବ ଆଜି ଅପରାହ୍ନ ସାଢ଼େ ୩ଟାରେ ଆରମ୍ଭ ହେବ । ଏଥିରେ ଅଧକ୍ଷତା କରିବେ ସମନ୍ବୀତ ପ୍ରତିରକ୍ଷା ବାହିନୀର ମୁଖ୍ୟ ଓ ଏୟାର ମାର୍ଶାଲ ।
ତେବେ କ୍ରମାଗତ ଭାବରେ ଦୁଇଟି ଦୀପ ଜଳୁଥିବାରୁ ବିଭିନ୍ନ ସମସ୍ୟା ଉପୁଜିବା ନେଇ ଅନୁଭବ କରାଯିବା ପରେ ଏହି ପଦେକ୍ଷପ ନିଆଯାଇଥିବା ଜଣାପଡ଼ିଛି । ଏହା ସହ ତର୍କ ମଧ୍ୟ କରାଯାଇଛି ଯେ, ଦେଶର ସହୀଦ ଯବାନଙ୍କ ପାଇଁ ଜାତୀୟ ଯୁଦ୍ଧ ସ୍ମାରକୀରେ ଗୋଟିଏ ଦୀପ ଜଳୁଥିବା ବେଳେ, ଅମର ଜବାନ ଜ୍ୟୋତିରେ ଅନ୍ୟ ଏକ ଦୀପ କାହିଁକି ଜଳିବ । ଏହା ସହ ଉଭୟ ସ୍ଥାନରେ ବି ସମାନ ସହିଦ ମାନଙ୍କ ନାମ ଲେଖା ଯାଇଛି ।
୧୯୪୭-୧୮ ବିଭାଜନ, ଭାରତ ପାକିସ୍ତାନ ଯୁଦ୍ଧ ଓ ଗଲୁଓ୍ବାନ ସଂଘର୍ଷରେ ପ୍ରାଣ ହରାଇଥିବା ସହିଦ ଯବାନଙ୍କ ନାମ ଜାତୀୟ ଯୁଦ୍ଧ ସ୍ମାରକୀରେ ରହିଛି । ୪୦ ଏକର ପରିମିତ ଅଞ୍ଚଳରେ ନିର୍ମିତ ଜାତୀୟ ଯୁଦ୍ଧ ସ୍ମାରକୀକୁ ଗତ ୨୦୧୯ ଫେବୃଆରୀରେ ଉଦ୍ଘାଟନ କରଯାଇଥିଲା । ଏଠାରେ ଅମର ଚକ୍ର, ବୀରତା ଚକ୍ର, ତ୍ୟାଗ ଚକ୍ର ଓ ରକ୍ଷକ ଚକ୍ର ମାନରେ ୪ ଟି ସ୍ମୃତି ରହିଛି । ଏଥି ସହ ୨୫ ହଜାର ୯୪୨ ଜଣ ସହିଦଙ୍କ ନାମି ସୁବର୍ଣ୍ଣ ଅକ୍ଷରରେ ଖୋଦିତ ହୋଇ ଲେଖାଯାଇଛି ।
ସେପଟେ ୧୯୧୪-୧୯୨୧ ପ୍ରଥମ ବିଶ୍ବ ଯୁଦ୍ଧ କାଳରେ ସହିଦ ବ୍ରିଟିସ୍ ଭାରତୀୟ ସୈନ୍ୟଙ୍କ ସ୍ମୃତିରେ ତତ୍କାଳୀନ ବ୍ରିଟିସ୍ ସରକାର ଏହି ଇଣ୍ଡିଆ ଗେଟ୍ ପ୍ରତିଷ୍ଠା କରିଥିଲେ । ୧୯୭୧ ଭାରତ- ପାକିସ୍ତାନ ଯୁଦ୍ଧରେ ପ୍ରାଣବଳି ଦେଇଥିବା ସୈନ୍ୟଙ୍କ ସ୍ମୃତିରେ ୧୯୭୨ ରେ ଅମର ଜବାନ ଜ୍ୟୋତି ପ୍ରେଜ୍ୟୋଳିତ ହୋଇଥିଲା ।
