ପୁରୀ: ରାଜ୍ୟରେ ମହାମାରୀ କରୋନାର ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ଭକ୍ତଙ୍କ ପାଇଁ ଶ୍ରୀମନ୍ଦିର ବନ୍ଦ ଥିବା ବେଳେ ଆଜି ଖୋଲା ଯାଇଛି । ଗତ ଜାନୁଆରୀ ୧୦ ତାରିଖରେ ଶ୍ରମନ୍ଦିର ବନ୍ଦ କରାଯାଇଥିଲା । ଯାହାକି ଦୀର୍ଘ ୩ ସପ୍ତାହ ଧରି ବନ୍ଦ ହେବା ପରେ ଆଜି ପ୍ରହା ପ୍ରଭୁଙ୍କୁ ଦର୍ଶନ କରୁଛନ୍ତି ଶ୍ରଦ୍ଧାଳୁ ।
ତେବେ ପୂର୍ବଭଳି ଶ୍ରଦ୍ଧାଳୁଙ୍କୁ କୋଭିଡ୍ ଗାଇଡଲାଇନ ମାନି ଜଗା ଦର୍ଶନ ପାଇଁ ନିର୍ଦ୍ଦେଶ ରହିଛି । ଶ୍ରଦ୍ଧାଳୁମାନେ ଦୁଇଟି ଡୋଜ୍ ଟିକାର ପ୍ରମାଣପତ୍ର କିମ୍ବା ଆରଟିପିସିଆର୍ ଟେଷ୍ଟ ରିପୋର୍ଟ ଦେଖାଇ ମନ୍ଦିର ଭିତରକୁ ପ୍ରବେଶ କରିବାକୁ ପ୍ରଶାସନ ପକ୍ଷରୁ ନିର୍ଦ୍ଦେଶ ରହିଛି । ତେବେ ଭକ୍ତଙ୍କ ପାଇଁ ସିଂହ ଦ୍ୱାରରେ ପ୍ରବେଶ ଓ ଉତ୍ତର ଦ୍ୱାରରେ ପ୍ରସ୍ଥାନ ବ୍ୟବସ୍ଥା କରାଯାଇଥିବା ବେଳେ, ମନ୍ଦିର ସକାଳ ୬ଟାରୁ ରାତି ୯ଟା ପର୍ଯ୍ୟନ୍ତ ଭକ୍ତଙ୍କ ପାଇଁ ଖୋଲା ରହିବ । ଏଥି ସହ ସାନିଟାଇଜେସନ୍ ପାଇଁ ପ୍ରତି ରବିବାର ଶ୍ରୀମନ୍ଦିର ବନ୍ଦ ରହିବ ।
