ତେଲକୋଇ : କେନ୍ଦୁଝର ଜିଲ୍ଲା ତେଲକୋଇ ଥାନା ଅଞ୍ଚଳରେ ଏଭଳି ଏକ ଘଟଣା ଦେଖିବାକୁ ମିଳିଛି, ଜଣେ ବୃଦ୍ଧ ବ୍ୟକ୍ତି ଖଟରେ ଶୋଇଥିବା ବେଳେ ଜଳି ଯାଇଛନ୍ତି । ମୃତକ ହେଲେ ତେଲକୋଇ ଗ୍ରାମର ଡିଲେଶ୍ୱର ମହାକୁଡ ।
ସୂଚନା ଅନୁଯାୟୀ, ଡିଲେଶ୍ୱର ମହାକୁଡ ବୁଧବାର ବିଳମ୍ବିତ ରାତିରେ ମଶାରୀ ଟାଙ୍ଗି ଖଟରେ ଶୋଇଥିବା ବେଳେ ନିଆଁ ଲାଗି ଜଳିଯାଇଛନ୍ତି। ଡିଲେଶ୍ୱର ରାତିରେ ବିଦ୍ୟୁତ ନଥିବାରୁ ଖଟ ଉପରେ କ୍ୟାଣ୍ଡେଲ୍ ଜାଳି ଶୋଇଥିଲେ । ସେହି ସମୟରେ କୈାଣସି କାରଣ ବଶତଃ ମଶାରୀରେ ନିଆଁ ଲାଗିଯାଇଥିଲା । ଡିଲେଶ୍ୱର ମହାକୁଡ ସେହିଠାରେ ଖଟ ସହ ଜୀବନ୍ତ ଦଗ୍ଧ ହୋଇଯାଇଥିଲେ । ଡିଲେଶ୍ୱର ମହାକୁଡଙ୍କ ପତ୍ନୀ ଓ ଝିଅ ଘରେ ନଥିବା ସମୟରେ ଏହି ଘଟଣା ଘଟିଥିବା ଜଣାପଡିଛି । ଡିଲେଶ୍ୱର ବୃଦ୍ଧ ହୋଇଯାଇଥିବାରୁ ଶରୀରରେ ନିଆଁ ଲାଗିବା ସତ୍ତ୍ୱେ ମଧ୍ୟ ପାଟି କରିପାରିନଥିବା ସନ୍ଦେହ କରାଯାଉଅଛି । ଡିଲେଶ୍ୱର ମହାକୁଡ ଶୋଇଥିବା ଘର ମଧ୍ୟରୁ ବହୁ ଜୋରେ ଧୁଆଁ ବାହାରୁଥିବା ଦେଖି ଘରର ଅନ୍ୟ ସଦସ୍ୟ ମାନେ ସେଠାରେ ପହଂଚିଥିଲେ ମାତ୍ର ସେତେବେଳେକୁ ଡିଲେଶ୍ୱର ସମ୍ପୁର୍ଣ୍ଣ ଭାବରେ ପୋଡି ଯାଇଥିଲେ ।
