ନୂଆ ଦିଲ୍ଲୀ: ଭାରତର ରାଜଧାନୀ ଦିଲ୍ଲୀରେ ପୁଣି ଫେରିଲା କଟକଣା । କରୋନା ଭୟ ଲୋକମାନଙ୍କ ମଧ୍ୟରୁ ଯାଇନଥିବା ବେଳେ, ଓମିକ୍ରନର ସଂକ୍ରମଣ ଦୃତ ଗତିରେ ତାର କାୟା ବିସ୍ତାର କରିବାରେ ଲାଗିଛି । ଗତ ୨୪ ଘଣ୍ଟାରେ ଦିଲ୍ଲିରେ ୪ ହଜାରରୁ ଅଧିକ ସଂଖ୍ୟାରେ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏଥିରେ ଦିଲ୍ଲିର ମୁଖ୍ୟମନ୍ତ୍ରୀ କେଜ୍ରିୱାଲ ନିଜେ ମଧ୍ୟ ପୋଜିଟିଭ୍ ଚିହ୍ନଟ ହୋଇଛନ୍ତି । ତେଣୁ ଦିଲ୍ଲିର ସଂକ୍ରମଣକୁ ନଜରରେ ରଖି ନାଇଟ୍ କର୍ଫ୍ୟୁ ସହ ସପ୍ତାହାନ୍ତ ସଟଡାଉନ୍ ଲାଗୁ କରାଯାଇଛି । ଏହି କଟକଣା ଆସନ୍ତା ଶୁକ୍ରବାର ଠାରୁ ଲାଗୁ କରାଯିବାକୁ ନିସ୍ପତ୍ତି ହୋଇଛି । ତେବେ ଏହି କର୍ଫ୍ୟୁ ଶୁକ୍ରବାର ରାତି ୧୦ ଟାରୁ ସୋମବାର ଭୋର ଯାଏ ଲାଗୁ କରାଯିବ ବୋଲି ସୂଚନା ରହିଛି ।
ନୂଆ ଗାଇଡ୍ ଲାଇନ୍ ଅନୁଯାୟୀ, ସମସ୍ତ ସରକାରୀ ଓ ବେସରକାରୀ ଅଫିସର କର୍ମଚାରୀମାନେ ୱାର୍କ ଫ୍ରମ୍ ହୋମ୍ କରିବେ , ନଚେତ ୫୦ ପ୍ରତିଶତ କର୍ମଚାରୀରେ କର୍ଯ୍ୟ କରିବେ । । କେବଳ ଜରୁରୀକାଳୀନ ସାମଗ୍ରୀ ପରିବହନ ଛଡ଼ା ଅନ୍ୟ ସମସ୍ତ କ୍ଷେତ୍ରରେ ଲାଗୁ ହେବ କଟକଣା । ସେହିପରି ସମ୍ପୂର୍ଣ୍ଣ ସିଟିଂ କ୍ଷମତାରେ ବସ୍ ଓ ମେଟ୍ରୋ ଚାଲିବ । ହେଲେ ଯାତ୍ରୀଙ୍କ ପାଇଁ ମାସ୍କ ବାଧ୍ୟତାମୂଳକ ବୋଲି ଏକ ପ୍ରେସ୍ କନଫରେନ୍ସ କରି ସୂଚନା ଦେଇଛନ୍ତି ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ ।
