ସାଲେପୁର: କଟକ ଜିଲ୍ଲା କିଶନନଗର କାଳିକାପୁର ନିକଟରେ ମହାନଦୀରେ ଭାସୁଛି ଏକ ମୃତଦେହ । ଦୁଇ ଦିନ ହେବ ଏହି ଅଜଣା ବ୍ୟକ୍ତିର ମୃତ ଦେହ ମହାନଦୀରେ ଭାସୁଥିବାର ନଜର ଆସିଛି । ସେଠାରେ ସ୍ଥାନୀୟ ଲୋକ ମାନେ ମୃତ ଦେହ ଭାସୁଥିବାର ଦେଖି ବାଉଁସ ଦ୍ୱାରା ଅଟକାଇଛନ୍ତି । ଏନେଇ ସ୍ଥାନୀୟ ଲୋକେ କିଶନନଗର ଥାନା ପୋଲିସକୁ ଖବର ମଧ୍ୟ ଦେଇଥିଲେ । ମାତ୍ର ଘଟଣାକୁ ୨ଦିନ ହୋଇଯାଇଥିଲେ ମଧ୍ୟ ପୋଲିସ ଘଟଣା ସ୍ଥଳରେ ପହଞ୍ଚି ନଥିବା କୁହାଯାଇଛି । ସ୍ଥାନୀୟ ଲୋକ କହିବା ଅନୁଯାୟୀ ପୋଲିସ ଘଟଣା ସ୍ଥଳରେ ପହଞ୍ଚି ଏହାର ତଦନ୍ତ ଆରମ୍ଭ କଲେ ଘଟଣାର ପ୍ରକୃତ କାରଣ ଜଣାପଡିବ । ହେଲେ ପୋଲିସରେ ଖବର ଦିଆଯା ଇଥିବା ସତ୍ତ୍ୱେ ଏହି ଘଟଣାକୁ ଗରୁତ୍ୱ ଦେଉନାହିଁ ।
