ଭୁବନେଶ୍ୱର: ଚଳିତ ବିଧାନସଭା ଶୀତ ଅଧିବେସନର ଆଜି ତୃ୍ତୀୟ ଦିନରେ ମଧ୍ୟ ଶିକ୍ଷୟିତ୍ରୀ ମମିତା ମେହେର ହତ୍ୟା ମାମଲାକୁ ନେଇ ଉଠିଛି ଝଡ଼ । ଏନେଇ ଗତ ଦୁଇ ଦିନ ହେଲା ବିଧାନ ସଭାରେ ବିରୋଧୀଙ୍କ ହଟ୍ଟଗୋଳ ଦେଖା ଦେଇଥିବା ବେଳେ, ଆଜି ମଧ୍ୟ ଗୃହରେ ଠିକ୍ ସେମିତିକା ସ୍ଥିତି ଉପୁଜିଥିିବା ଦେକଖିବାକୁ ମିଳିଛି । ତେବେ ଆଜି ଗୃହ ଆରମ୍ଭରୁ ମମିତା ମେହେର ମାମଲାମୁ ନେଇ ମନ୍ତ୍ରୀ ଦିବ୍ୟ ଶଙ୍କରଙ୍କୁ ବହିସ୍କାର ଦାବି କରି ବିଜେପି ଓ କଂଗ୍ରେସର ସଦସ୍ୟମାନେ ହାତରେ ପ୍ଲାକାର୍ଡ ଧରି ଗୃହର ମଧ୍ୟ ଭାଗରେ ହୋହାଲ୍ଲା କରିଥିଲେ । ତେଶୁ ଏହି ପରିସ୍ଥିତିକୁ ଦେଖି ବାଚସ୍ପତି ସାଢ଼େ ୧୧ଟା ଯାଏ ଗୃହକୁ ମୁଲତବି ରଖିଥିଲେ । ପୁନର୍ବାର ଗୃହ ଆମ୍ଭ ହେବାରୁ ପୂଣି ବିରୋଧୀ ସେମିତିକା ହଟ୍ଟଗୋଳ କରିଥିଲେ । ତେରୁ ଏହାକୁ ଦେଖି ବିଚସ୍ପତି ପୁଣି ଗୃହକୁ ଅପରାହ୍ନ ୪ଟା ଯାଏ ମୁଲତବି ରଖିଛନ୍ତି ।
ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ପ୍ରବେଶ ଦ୍ୱାରା ପବିତ୍ର ଗୃହ ଅପବିତ୍ର ହୋଇଯାଇଥିବା କହିଛି ବିଜେପି । ତେଣୁ ଗୃହକୁ ପବିତ୍ର କରିବା ପାଇଁ ବିଜେପି ବିଧାୟକମାନେ ବିଧାନସଭାରେ ଗଙ୍ଗାଜଳ ଓ ଗୋବରପାଣି ପକାଇ ପବିତ୍ର କରିଛନ୍ତି ।
ସେପଟେ ବିଜୁ ମହିଳା ଜନତା ଦଳ ପକ୍ଷରୁ ଗ୍ୟାସ୍ ଦର ବୃଦ୍ଧି ପ୍ରତିବାଦରେ ପାୱାର ହାଉସ୍ ଛକ ନିକଟରେ ଆନ୍ଦୋଳନ କରାଯାଇଛି । ଏହି ଅନ୍ଦୋଳନରେ ଶତାଧି କ ମହିଳା ସାମିଲ୍ ହୋଇଥିବା ଦେଖିବାକୁ ମିଳିଛି । ଗ୍ୟାସ ଓ ତେଲ ଦର ପ୍ରତିବାଦରେ ଏହି ଆନ୍ଦୋଳନ ତିନି ଦିନ ଧରି ଜାରି ରଖିଛି ବିଜେଡି । ବିଗତ ଦୁଇ ଦିନ ହେବ ରାଜଭବନ ସମ୍ମୁଖରେ ମଧ୍ୟ ବିକ୍ଷୁଭ କରିଥିଲା ।
