କନ୍ଧମାଳ: ଭିଜିଲାନ୍ସ ଜାଲରେ ରେଞ୍ଜ ଅଫିସର । ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ କନ୍ଧମାଳ ଜିଲ୍ଲା କେ. ନୂଆ ଗାଁ ରେଞ୍ଜ ଅଫିସର ବୈରାଗୀ ଚରଣ ବେହେରାଙ୍କ ଘରେ ରେଡ୍ କରିଛି ଭିଜିଲାନ୍ସ । ତେବେ ଏକକାଳୀନ ବୈରାଗୀଙ୍କ ୭ଟି ସ୍ଥାନରେ ରେଡ୍ କରିଛି ଭିଜିଲାନ୍ସ ଟିମ୍ । ଏଥିରେ ୪ ଜଣ ଡିଏସ୍ପି, ୭ ଇନ୍ସପେକ୍ଟର ଓ ଅନ୍ୟ ଷ୍ଟାଫ୍ ମିଶି ଚଢ଼ାଉ କରିଛନ୍ତି । ବୈରାଗୀଙ୍କ କେ. ନୂଆଗାଁ ସ୍ଥିତ ସରକାରୀ କ୍ୱାର୍ଟର, କାର୍ଯ୍ୟାଳୟ, ଭଞ୍ଜନଗର ଲାଣ୍ଡେଇସାହିରେ ଥିବା ଘର, ଦାଦରଲୁଣ୍ଡାରେ ଥିବା ଫାର୍ମ ହାଉସ୍, ବୌଦ୍ଧ ଜିଲ୍ଲା ଭୁଟ୍ଟାପାଲିରେ ଥିବା ଘର ସମେତ ଗଞ୍ଜାମରେ ଥିବା ତାଙ୍କ ୨ ଜଣ ସମ୍ପର୍କୀୟଙ୍କ ଘରେ ଚଢ଼ାଉ ଜାରି ରହିଛି ।
