ଭୁବନେଶ୍ୱର: ଅଭିଭାବକ ଭୟ କରନ୍ତୁ ନାହିଁ ଛୋଟ ପିଲାଙ୍କ ପାଇଁ ଓମିକ୍ରନ ବିପଦଜନକ ନୁହେଁ । ଏଥିରେ କୌଣସି ପିଲା ଗୁରୁତର ହେବା ଘଟଣା ଏଯାବତ ସାମ୍ନାକୁ ଆସିନାହିଁ । ଆଉ ଯଦି ଆସିଛି ସେଥିରେ ପିଲାଙ୍କୁ ସାମାନ୍ୟ ଜ୍ୱର ହୋଇଛି ଓ ସେଥାରୁ ଖୁବ୍ ଶିଘ୍ର ସୁସ୍ଥ ମଧ୍ୟ ହୋଇଛନ୍ତି । ଏହା ସ୍ୱାସ୍ଥ୍ୟ ବିଶେଷଜ୍ଞ ଡାକ୍ତର ସୁନୀଲ ଅଗ୍ରୱାଲ କହିଛନ୍ତି । ସେ କହିଛନ୍ତି ଯେ, ଓମିକ୍ରନ୍ ଗୋଟିଏ ପିଲା ଠାରେୁ ଅନ୍ୟ ପିଲାକୁ ସଂକ୍ରମଣ କରିବାର ଏଯାଏ କୌଣସି ନଜିର ନାହିଁ । ଏଥିରେ ଯେଉଁମାନେ ବି ସଂକ୍ରମିତ ହୋଇଛନ୍ତି । ସେଥି ମଧ୍ୟରୁ ୮୦-୯୫ ପ୍ରତିଶତ ପିଲାଙ୍କ ଠାରେ କୌଣସି ଲକ୍ଷଣ ଦେଖିବାକୁ ମିଳିନାହିଁ । କାରଣ ଛୋଟ ପିଲାଙ୍କ ଠାରେ ରୋଗ ପ୍ରତି ରୋଧକ ଶକ୍ତି ଅଧିକ ଥାଏ ଓ ଇମ୍ୟୁନିଟି ମଧ୍ୟ ସେମାନଙ୍କ ଠାରେ ଯଥେଷ୍ଟ ଥାଏ । ତେଣୁ ପିଲାମାନଙ୍କ ପାଇଁ ଓମିକ୍ରନର ଭୟ ନାହିଁ ତେଣୁ ଅଭିଭାବକମାନେ ଭୟଭୀତ ହୁଅନ୍ତୁ ନାହିଁ ବୋଲି ସେ ପରାମର୍ଶ ଦେଇଛନ୍ତି ।
