ଭୁବନେଶ୍ୱର: ଖୋଲିଲା ଭୁବନେଶ୍ୱର ଏମ୍ସ୍ ଓପିଡି । କରୋନା ସଂକ୍ରମଣ ସଂଖ୍ୟା ବୃଦ୍ଧିକୁ ଦୃଷ୍ଟିରେ ରଖି ଗତ ଜାନୁଆରୀ ୧୭ ରୁ ଏମ୍ସ୍ର ସମସ୍ତ ବିଭାଗ ଓପିଡିକୁ ବନ୍ଦ ରଖାଯାଇଥିଲା । ତେବେ ସଂକ୍ରମଣ ସଂଖ୍ୟା ସ୍ୱାଭାବିକ ହେଲାପରେ, ଆଜି ଠାରୁ ପୁଣି ପୂର୍ବଭଳି ସମସ୍ତ ବିଭାଗର ଓପିଡି ଖୋଲାଯାଇଛି । ସମସ୍ତ ବିଭାଗ ଏହାର କାର୍ଯ୍ୟସୂଚୀକୁ ଅନୁସରଣ କରିବାକୁ ନିର୍ଦ୍ଦେଶ ଦିଆଯାଇଛି । ଏଥିସହ ସମସ୍ତ ଆଇପିଡି ଅଡମିସନ୍ ଏବଂ ଓଟି ଗୁଡ଼ିକ ମଧ୍ୟ ପୂର୍ବଭଳି କାର୍ଯ୍ୟକାରୀ ହେବ ।
ନୂତନ ଆଡମିସନ ହେଲେ ସନ୍ଦିଗ୍ଧ କୋଭିଡ୍ ସଂକ୍ରମିତଙ୍କ ପାଇଁ ପ୍ରତି ୱାର୍ଡରେ ୪ ରୁ ୫ଟି ଲେଖାଏଁ ଶଯ୍ୟା ମହଯୁଦ ରଖିବାକୁ ନିର୍ଦ୍ଦେଶ ଦିଆଯାଇଛି । ରୋଗୀଙ୍କୁ ନିୟମିତ ଚିକିତ୍ସା ଓ ଯାଞ୍ଚ ପାଇଁ ସ୍ୱାସ୍ଥ୍ୟ ଆପ୍ ଓ ଟେଲି ମେଡିସିନ୍ ଜାରି ରହିବ ।
