କୋଣାର୍କ: ଓଡ଼ିଶା ପର୍ଯ୍ୟଟନର ବିଶ୍ୱ ପ୍ରସିଦ୍ଧ କୋଣାର୍କ ମନ୍ଦିରକୁ ବହୁ ଦେଶ ବିଦେଶରୁ ପର୍ଯ୍ୟଟକ ଆସୁଥିବା ବେଳେ, ସେଠାରୁ ସୂର୍ଯ୍ୟମନ୍ଦିରକୁ ଦେଖିବାରୁ ବଞ୍ଚିତ ହୋଇ ଫେରିବାର ଦେଖିବାକୁ ମିଳିଛି । ଟିକେଟ କାଉଣ୍ଟରରୁ ଟିକେଟ ନ ମିଳିପାରିବା ହେତୁୁ କାଉଁଣ୍ଟର ଅଗରେ ପ୍ରବଳ ଭିଡ଼ ଲାଗୁଛି । ତେବେ ମନ୍ଦିର ବାହାରେ ଏପରି ଭିଡ଼ ଲାଗିଥିଲେ ମଧ୍ୟ ଭିତରକୁ ଯାଇ ବୁଲିବା ଓ ଦେଖିବା ସୁଯୋଗ ମିଳିପାରୁ ନଥିବାରୁ ପର୍ଯ୍ୟଟକ ମାନେ ଅସନ୍ତୋଷ ପ୍ରକାଶ କରିଛନ୍ତି । ଆଗକୁ ଆଉ ମାତ୍ର ଦୁଇ ଦିନ ପରେ ନୂଆ ବର୍ଷ ଥିବାରୁ ଆହୁରି ଅଧିକ ମାତ୍ରାରେ ପର୍ଯ୍ୟଟକଙ୍କ ଭିଡ଼ ଜମିବ । ଏନେଇ ସ୍ଥାନୀୟ ଜିଲ୍ଲା ପ୍ରଶାସନ ପକ୍ଷରୁ ଯଥା ଶିଘ୍ର ବ୍ୟାପକ ବ୍ୟବସ୍ଥା କରାଯିବାକୁ ଦାବି କରାଯାଇଛି ।
ଏବେ କରୋନା କଟକଣା ଯୋଗୁଁ ପ୍ରଶାସନିକ ସ୍ତରରେ ସେତେଟା ଗୁରୁତ୍ବ ଦିଆଯାଉ ନଥିବା ବେଳେ କୋଣାର୍କ ସୂର୍ୟ୍ୟ ମନ୍ଦିରରେ ମଧ୍ୟ କରୋନା କଟକଣା ସେତେଟା ପ୍ରଭାବ ପକାଇ ପାରିନଥିବା ଦେଖିବାକୁ ମିଳିଛି । କରୋନା କଟକଣା ଉପରେ ଗୁରୁତ୍ବ ଦିଆଯିବାକୁ ଦାବି କରାଯାଉଥିବା ବେଳେ ପୁଣି ଓମିକ୍ରନ୍ କୁ ନେଇ ଭୟ ଦେଖାଦେଇଛି । ପର୍ୟ୍ୟଟକମାନେ ହଜାର ହଜାର ସଂଖ୍ୟାରେ ବିଶ୍ଵ ପ୍ରସିଦ୍ଧ କୋଣାର୍କ ସୂର୍ୟ୍ୟ ମନ୍ଦିରକୁ ବୁଲିବାକୁ ଯାଉଥିବା ବେଳେ ସାମାଜିକ ଦୂରତା, ମାକ୍ସ, ସାନାଟାଇଜ୍ ଉପରେ ଗୁରୁତ୍ବ ଦିଆଯାଉନାହିଁ । ରାଜ୍ୟ ଓ ରାଜ୍ୟ ବାହାରୁ ଶତାଧିକ ପର୍ୟ୍ୟଟକ କୋଣାର୍କ ସୂର୍ୟ୍ୟ ମନ୍ଦିର ବୁଲିବାକୁ ଆସୁଥିବା ବେଳେ ଓମିକ୍ରନ ଭଳି ଭାଇରସ୍ କୁ ନେଇ ମଧ୍ୟ ଭୟର ବାତାବରଣ ସୃଷ୍ଟି ହୋଇଛି । ଆଉ ୨ ଦିନ ପରେ ନୂଆ ବର୍ଷ ଆସୁଥିବାରୁ ଅଧିକ ମାତ୍ରାରେ ପର୍ୟ୍ୟଟକ ଆସିବାକୁ ନେଇ ପ୍ରଶାସନିକ ସ୍ତରରେ ଗୁରୁତ୍ବ ଦେବା ଲାଗି ଦାବି କରାଯାଇଛି ।
