ନୂଆଦିଲ୍ଲୀ :ଅେଷ୍ଟ୍ରେଲିଆ ବିରୋଧରେ ଟେନିସ୍ ଖେଳାଳି ନୋଭାକଜୋକୋବିଚ ଆଣିଲେ ସାଂଘାତିକ ଅଭିଯୋଗ । ନୋଭାକ ଜୋକୋବିଚ ଦାବି କରିଛନ୍ତି କି, ୨୦୨୨ ମସିହାରେ ଯେତେବେଳେ ସେ ଅଷ୍ଟ୍ରେଲିଆ ଗସ୍ତରେ ଥିଲେ, ସେତେବେଳେ ତାଙ୍କୁ ଖାଦ୍ୟରେ ବିଷ ମିଶାଇ ଦିଆଯାଇଥିଲା । ସେହି ସମୟରେ ସେ ମେଲବର୍ଣ୍ଣରେ ରହିଥିଲେ । ଏହାସହ ସେତେବେଳେ କୋଭିଡ ଚାଲିଥିଲା ଆଉ ସେ ଟିକା ନେବାକୁ ମନା କରିବାକୁ ତାଙ୍କୁ ଦେଶ ଛାଡିବାକୁ ବାଧ୍ୟ କରାଯାଇଥିଲା ୩୭ ବର୍ଷିୟ ନୋଭାକ ଜୋକୋବିଚ ଗୁରୁବାର ଦିନ ଏକ ସାକ୍ଷାତକାର ଦେବା ଅବସରରେ କହିଥିଲେ କି, ମୋତେ ସେହି ସମୟରେ କିଛି ସ୍ୱାସ୍ଥ୍ୟ ସମସ୍ୟା ଦେଖାଦେଇଥିଲା । ଏହାପରେ ମୁଁ ଅନୁଭବ କରିଥିଲି କି ମେଲବର୍ଣ୍ଣର ସେହି ହୋଟେଲରେ ମୋତେ ଏଭଳି କିଛି ଖାଦ୍ୟ ଖାଇବାକୁ ଦିଆଯାଇଥିଲା ଯେଉଁଥିରେ ବିଷ ମିଶିଥିଲା । ନୋଭାକ ଜୋକୋବିଚଙ୍କ ଏଭଳି ବୟାନ ପରେ ଅଷ୍ଟ୍ରେଲିଆ ଗୃହମନ୍ତ୍ରଣାଳୟ ପ୍ରବକ୍ତା କହିଛନ୍ତି କି, ଏହି ପ୍ରସଙ୍ଗ ଦେଶ ସହ ଜଡିତ ଥିବାରୁ ଏହା ଉପରେ କୌଣସି ଟିପ୍ପଣୀ ଦିଆଯାଇପାରିବ ନାହିଁ ।
