ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ଅଣାୟତ ହେବାରେ ଲାଗିଛି । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢ଼ୁଥିବା କଥା ଚାନ୍ତାର କାରଣ ପାଲଟିଛି । ତେଣୁ ରାଜ୍ୟରେ ପୁଣି କଟକଣା ଲାଗୁ କରିଛନ୍ତି ସରକାର । ତେବେ ରାଜ୍ୟର ସମସ୍ତ ସହରାଞ୍ଚଳରେ ଆଜି ଠାରୁ ରାତି ୯ ରୁ ସକାଳ ୫ଟା ଯାଏ ଲାଗୁ କରାଯାଇଛି ନାଇଟ୍ କର୍ଫ୍ୟୁ । ଏହି ସମୟରେ ସମସ୍ତ ଅତ୍ୟାବଶ୍ୟକ ଜିନିଷ ମିଳିପାରିବ ବୋଲି ଏସ୍ଆର୍ସି ପକ୍ଷରୁ ସୂଚନା ରହିଛି ।
ଏହି କଟକଣା ଅନୁଯାୟୀ ରାସ୍ତା କଡ଼ରେ ଥିବା ଦୋକାନ ରାତି ୯ ଟା ଯାଏ ଖୋଲିପାରିବେ । ଦେକାନ ପାଖରେ ଭିଡ଼ ନ କରିବାକୁ ପରାସର୍ଶ ଦିଆଯାଇଛି । ତେବେ ବିବହ, ବ୍ରତଘର ପାଇଁ ୧୦୦ ଜଣ ଓ ଶୁଦ୍ଧି କାର୍ଯ୍ୟରେ ୫୦ ଜଣକୁ ଅନୁମତି ଦିଆଯାଇଛି । ବରଯାତ୍ରୀରେ ୩୦ ଜଣକୁ ନେଇ ପାରିବେ । ନିୟମ କଡ଼ାକଡ଼ି ପାଳନ କରିବା ସହ ଏକ ହଜାର ଦାର୍ଶକଙ୍କୁ ନେଇ ଯାତ୍ରା ଚାଲିପାରିବ ବୋଲି ଯାତ୍ରା ମାଲିକଙ୍କୁ ପରାମର୍ଶ ଦିଆଯାଇଛି । କୌଣସି ପର୍ଯ୍ୟଟନ ସ୍ଥଳ ଓ ପାର୍କରେ ପିକନିକ କରିବାକୁ ବାରଣ ହୋଇଛି । ୫୦ ପ୍ରତିଶତ ଦର୍ଶକରେ ସିନେମା ହଲ ଚାଲିପାରିବ । ସରକାରୀ ମିଟିଂ କିମ୍ବା ଟ୍ରେନିଂ କାର୍ଯ୍ୟକ୍ରମ ୧୦୦ ଲୋକଙ୍କୁ ନେଇ ଅୟୋଜନ କରାଯାଇପାରିବ । ସର୍ବାଧିକ ୫୦ ଲୋକଙ୍କୁ ନେଇ ଇନଣ୍ଡୋର ଓ ଆଉଟ୍ ଡୋର୍ରେ ସିନେମା ସୁଟିଂ ହେବ । ଏବଂ ରାଜ୍ୟର ସମସ୍ତ ସାରକାରୀ କାର୍ଯ୍ୟାଳୟ ୫୦ ପ୍ରତିଶତ କର୍ମଚାରୀରେ ଚାଲିବାକୁ ଏସଆରସସି ପକ୍ଷରୁ ପରାମର୍ଶ ଦିଆଯାଇଛି ।
ସେପଟେ ଆବଶ୍ୟକୀୟ ସେବା ପାଇଁ ଥିବା କାର୍ଯ୍ୟାଳୟ ଗୁଡ଼ିକ କଟକଣା ମୁକ୍ତ ରହିବ । ଯଥା ଫାୟାର ଷ୍ଟେସନ, ପୋଲିସ୍ ଓ ନିର୍ବାଚନ କମିଶନଙ୍କ ଅଫିସ । ଏଥି ସହ ଓପିଏସସି, ଓଏସଏସସି କାର୍ଯ୍ୟାଳୟ ୭୫ ପ୍ରତିଶତ କର୍ମଚାରୀରେ ଚାଲିବ । ଏହି କଟକଣା ଆସନ୍ତା ୩୧ତାରିଖ ଯାଏ ଚାଲିବ ।
