ଆଠଗଡ଼: ରାଜ୍ୟରେ ବେଆଇନ୍ ମଦ କାରକାର ଦିନକୁ ଦିନ ବଢ଼ିଚାଲିଛି । ଏହି କାରବାର କରିବାକୁ ମଦ ମାଫିଆମାନେ ଭିନ୍ନ ଭିନ୍ନ ପନ୍ଥା ଆପଣାଇଥା’ନ୍ତି । କେତେବେଳେ ଗ୍ୟାଲେନ ଭର୍ତ୍ତି ମଦ ପୋଖରିରେ ଲୁଚାଇଥାନ୍ତି ତ ଆଉ କେତେବେଳ ମାଟିତଳେ ପୋତିଥା’ନ୍ତି । ତେବେ ଆଜି ଏହି ବେଆଇନ୍ ଦେଶୀ ମଦକୁ ଲୁଚାଯାଇଥିବାର ଏକ ନୁଆ ପ୍ଲାନ ଦେଥିବାକୁ ମିଳିଛି କଟକ ଜିଲ୍ଲା ଆଠଗଡ଼ସ୍ଥିତ ଡାଳୁଅ ରିଜର୍ଭ ଫରେଷ୍ଟରେ । ଯାହାକି ଏହି ବ୍ୟବସାୟ ପାଇଁ ଘଞ୍ଚ ଜଙ୍ଗଲ ମଧ୍ୟରେ ଏକ ଗଛ ଉପରେ ମଞ୍ଚା ବାନ୍ଧି ସେଠାରେ ୭ ହଜାର, ୫ ଶହ ଲିଟର ବେଆଇନ୍ ପୋଚ୍ ସହ ୪୬୦ ଲିଟର ଦୋଶୀ ମଦ ଲୁଚାଇ ରଖାଯାଇଥିଲା । ଉଭୟ ଜଙ୍ଗଲି ଜନ୍ତୁ ଓ ଅବକାରୀ ବିଭାଗ ଯେପରି ଜାଣି ନ ପାରିବେ, ସେଥି ପାଇଁ ଏହି ନୂଆ ଫର୍ମୁଲା ଆପଣେଇଥିଲେ ମଦ ମାଫିଆମାନେ ।
ତେବେ ଏ ନେଇ ଅବକାରୀ ବିଭାଗ ତାର ବିଶ୍ୱସ୍ତ ସୂତ୍ରରୁ ଖବର ପାଇ ଜଙ୍ଗଲରେ ରେଡ୍ କରିଥିଲା । ଅବକାରୀ ପୋଲିସ ବହୁ ଖୋଜାଖୋଜି ପରେ ଶେଷରେ ଗଛ ଉପରେ ଚଢ଼ି ସେଠାରେ ଲୁଚା ଯାଇଥିବା ୭ ହଜାର ୫ ଶହ ପୋଚ୍କୁ ନଷ୍ଟ କରିବା ସହ ୪୬୦ ଲିଟର ଦେଶୀ ମଦ ଜବତ କରିଛି । ଏହାକୁ କେଉଁମାନେ ଏଠାରେ ରଖିଥିଲେ ଓ ବ୍ୟବସାୟ କରୁଥିଲେ । ତାହାର ଖୋଳତାଡ଼ କରୁଛି ଅବକାରୀ ବିଭାଗ ।
