ଭବାନୀପାଟଣା: ମାଓବାଦୀଙ୍କ ଲାଣ୍ଡମାଇନ୍ ବିଷ୍ଫୋରଣରେ ଜଣେ ସାମ୍ବାଦିକଙ୍କର ମୃତ୍ୟୁ ହୋଇଛି । ଖବର ସଂଗ୍ରହ କରିବାକୁ ଯାଇଥିବା ବେଳେ, ମାଓବାଦୀ ବିଛାଇଥବା ଲାଣ୍ଡମାଇନ ବିଷ୍ଫୋରଣ ହୋଇଥିଲା । ସେହି ବିଷ୍ଫୋରଣରେ ସାମ୍ବାଦିକଙ୍କର ଘଟଣା ସ୍ଥଳରେ ହିଁ ମୃତ୍ୟୁ ହୋଇଯାଇଛି । ଏପରି ଏକ ଅଭାବନୀୟ ଘଟଣା ଘଟିଛି କଳାହାଣ୍ଡି ଜିଲ୍ଲା ମଦନପୁର ରାମପୁର ଅଞ୍ଚଳରେ ।
ସୂଚନାନୁଯାୟୀ, ମଦନପୁର ରାମପୁର ଅଞ୍ଚଳରେ ଥିବା କର୍ଲାମୁଣ୍ଡା ବ୍ରିଜ୍ ପାଖରେ ଏକ ପୋଷ୍ଟର ଲଗାଇଥିଲେ ମାଓବାଦୀମାନେ । ତେତେ ଏ ସମ୍ପର୍କିତ ଖବର ସଂଗ୍ରହ ପାଇଁ ସାମ୍ବାଦିକ ଜଣକ ସେଠାକୁ ଯାଇଥିବା ବେଳେ, ସେହି ମାଉବାଦୀ ଲଗାଇଥିବା ପୋଷ୍ଟର ପାଖରେ ବିଷ୍ଫୋରଣ ହୋଇଥିଲା । ଫଳରେ ଘଟଣା ସ୍ଥଳରେ ହିଁ ସାମ୍ବାଦିକଙ୍କର ମୃତ୍ୟୁ ହୋଇଯାଇଛି । ତେବେ ମୃତ ସମ୍ବାଦିକ ଜଣଙ୍କର ନାମ ରୋହିତ ବିଶ୍ୱାଳ । ସେ ଦୈନିକ ଖବର କାଗଜ ଧରିତ୍ରୀର ସ୍ଥାନୀୟ ପ୍ରତିନିଧି ଭାବେ କାର୍ଯ୍ୟ କରୁଥିଲେ । ଖବର ପାଇ ଘଟଣା ସ୍ଥଳରେ ସିଆରପିଏଫ ଓ ପୋଲିସ୍ ପହଞ୍ଚି ତଦନ୍ତ ଜାରି ରଖିଛନ୍ତି ।
