ନୂଆଦିଲ୍ଲୀ : ଆଇପିଏଲ-୨୦୨୬ ଖେଳାଳି ନିଲାମରେ ଉଡୁଛି ଟଙ୍କା । ଅଷ୍ଟ୍ରେଲୀୟ ଅଲରାଉଣ୍ଟର କାମେରୁନ ଗ୍ରୀନଙ୍କ ଦାମ ୨୫ କୋଟି ୨୦ ଲକ୍ଷ । ଗ୍ରୀନଙ୍କ ପାଇଁ ସିଏସକେ ସହ କଡା ଟକ୍କର ପରେ କିଣିଲା କେକେଆର । ଶ୍ରୀଲଙ୍କାର ହାସରଙ୍ଗାକୁ ବେସ ପ୍ରାଇସ ୨ କୋଟିରେ କିଣିଲା ଏଲଏସଜି । ଆବୁଧାବିର ଏତିହାଦ ଆରେନାରେ ମିନି-ଅକ୍ସନ ଆରମ୍ଭ ହୋଇଛି । ୩୬୯ ଖେଳାଳିଙ୍କ ନାମ ଘୋଷଣା କରାଯାଇଛି । ଏଥିରେ ୨୨୭ ଭାରତୀୟ ଏବଂ ୧୧୩ ଜଣ ବିଦେଶୀ ଖେଳାଳି ରହିଛନ୍ତି । ମୋଟ ୭୭ ଖେଳାଳିଙ୍କୁ ଚୂଡ଼ାନ୍ତ କରାଯାଇଛି । ଆଉ ଏମାନଙ୍କୁ ୧୦ଟି ଟିମରେ ମାତ୍ର ୭୭ ସ୍ଲଟ ଖାଲି ରହିଛନ୍ତି । ଏହି ଅକ୍ସନରେ କୋଲକତା ନାଇଟ ରାଇଡର୍ସ ପାଖରେ ଅଧିକ ଟଙ୍କା ରହିଛି । ୩ ଥର ଚାମ୍ପିଅନ ହୋଇଥିବା କୋଲକତା ପାଖରେ ୬୪.୩୦ କୋଟି ଟଙ୍କା ରହିଛି । ମିନି ଅକ୍ସନରେ କ୍ୟାମେରନ୍ ଗ୍ରୀନଙ୍କୁ କୋଲକାତା ନାଇଟ୍ ରାଇଡର୍ସ ୨୫.୨୦ କୋଟିରେ କିଣିଛି । ପୃଥ୍ୱୀ ଶ ଏବଂ ସରଫରାଜ ଖାନ ବିକ୍ରି ହୋଇନାହାନ୍ତି ।
ରବି ବିଷ୍ଣୋଇଙ୍କୁ ରାଜସ୍ଥାନ ରୟାଲ୍ସ ୭.୨୦ କୋଟି ଟଙ୍କାରେ କିଣିଛି । ଏହାପୂର୍ବରୁ ଲକ୍ଷ୍ନୌ ଏବଂ ପଞ୍ଜାବ ପାଇଁ ଖେଳିଛନ୍ତି ରବି ବିଷ୍ଣୋଇ । ମାଥିଶା ପଥିରାନାଙ୍କୁ କୋଲକତା ୧୮ କୋଟିରେ କିଣିଛି । ସେହିଭଳି ଭେଙ୍କଟେଶ ଆୟରଙ୍କୁ ୭ କୋଟିରେ ଆରସିବି କିଣିଛି । ନ୍ୟୁଜିଲାଣ୍ଡର ୱିକେଟ କିପର ଫିନ ଆଲେନଙ୍କୁ କୋଲକତା ୨ କୋଟିରେ କିଣିଛି ।
